دا لومړی وار دی چې د افغانستان له پخوانیو لوبغاړو یوه لوبډله جوړېږي او په یو لیګ کې ګډون کوي.

ياده لوبډله د افغانستان پخوانيو لوبغاړو دولت احمدزي، کريم صادق، هستي ګل عابد او يو شمېر نورو پخوانيو افغان لوبغاړو څخه جوړه ده چې لوبډلمشري به يې اصغر افغان کوي.

د دې ليګ نورې لوبډلې د هند، وېسټ انډيز، سريلانکا او پاکستان ليجنډز په نومونو دي، چې سږنی پړاو سيالۍ يې د روان کال فبرورۍ کې په متحده عربي اماراتو کې پيلېږي.

زما د معلوماتو له مخې د یادې لوبډلې مشري به د اصغر افغان په غاړه وي، او نوروز منګل، دولت احمدزي، عبدالله مزاري، نصرت بدخشانی، هستي ګل عابد او نور پخواني لوبغاړي به یې ملګرتیا کوي.

فرینډشیپ لیګ د اربا سپورټس (ARBA Sports Services) لخوا تیر کال په لمړي ځل د دوبۍ په شارجه لوبغالي کې د څلورو لوبډلو تر منځ ترسره شو چې د کرکټ د نوموتو ستورو تر څنګ د هندي سېنما بعضې لوبغاړو هم په یاد لیګ کې ګډون کړی وو. سږ کال د ګډونوالو لوبډلو شمېر شپږو لوبډلو ته زیات شوی چې یوه یې د افغانستان لیجنډز لوبډله ده.

افغان لیجنډز لوبډلې ته بخت او چانس!