ګلوبل سوپر ليګ ته غوره شوې افغان لوبغاړي له کومو لوبډلو سره مل دي؟ دغه څه ډول يو ليګ دی؟ او څه وخت پيليږي؟

د ويسټ انډيز په ګيانا ټاپو کې د ويسټ انډيز کرکټ بورډ له لوري د بيلابيلو هيوادونو د تجارتي لیګونو د مخکښو لوبډلو ترمنځ د ګلوبلسوپر ليګ تر نامه لاندې يو ليګ ترسره کيږي، چې سږکال يې په دوهم پړاو کې شپږ افغان لوبغاړي هم لوبيږي.

سږکال هم په دغه ليګ کې د پنځه هيوادونو د تجارتي لیګونو څخه پنځه لوبډلې ګډون لري، چې د ويسټ انډيز له کربين ليګ څخه ګياناامازون، د متحده عربي اماراتو له نړيوال ليګ څخه دوبۍ کپيټلز، د اسټراليا له بيګ باش ليګ څخه هوبارټ هريکينز، د نيوزيلينډ د سوپرسمش ليګ څخه د سنټرل سټيج لوبډله او د بنګله دېش بي پي ایل ليګ څخه رانګاپور رايډرز لوبډله ګډون لري

په دوهم پړاو ګلوبل سوپر ليګ کې شپږ افغان لوبغاړي هم‌ د بيلابيلو لوبډلو سره لوبيږي، چې له منځه يې درې ګلبدين نايب، صديق اتل او ابراهيم مسعود له دوبۍ کپيټلز لوبډلې سره، محمد نبي له هوبارټ هريکينز، رحمن الله ګربز له ګاينا امازون او ابراهيم ځدران د رانګاپور رايډرز لوبډلې سره د لوبيدو تړون کړی.

د يادولو ده چې د لومړي پړاو ګلوبل سوپر ليګ اتلولي تيرکال د بنګله دېش پريميرليګ اړوند رانګاپور رايډرز لوبډلې خپله کړې وه، چې دوهم پړاو به يې د راتلونکې جولايي مياشتې په ۱۰مه نيټه پيل او د همدغه مياشتې تر ۱۸مې نيټې پورې به دوام وکړي.

په دویمه پاڼۍ کې د بېن ډکېټ په زړه پورې کارکردګۍ له امله انګلنډۍ لوبډله وتوانېده هند ته په لومړۍ ټېسټ لوبه کې ماته ورکړي.

د نړیوالو ټېسټ لوبو د اتلولۍ سیالیو په درشل کې د هند او انګلستان ترمنځ د پنځو ټېسټ لوبو د سیریز لومړۍ لوبه چې د جون په ۲۰مهنېټه د اېنګلنډ په لېډز کې پیل شوې وه د اېنګلنډ په بریا پای ته ورسېده.

د لوبې پچه اېنګلنډ لوبډلې لوبډلمشر بېن سټوکس وګټله او د توپ اچونې پرېکړه یې وکړه.

هند وکولی شول په لومړۍ پاڼۍ کې د لوبډلمشر ګېل ۱۴۷، جېسوال ۱۰۱ او ریشب پنټ ۱۳۴ منډو په مټ مقابلې لوبډلې ته د ۴۷۱ منډوستر هدف وټاکي.

د هدف پوره کولو لپاره اېنګلنډ لوبډلې ښه پیل وانخیست او په څلورو منډو یې لومړۍ وېکټه له لاسه ورکړه.

د اېنګلنډ ټوله لوبډله په ۴۶۵ منډو وسوځېده، بېن ډکېټ ۶۶، اولي پاپ ۱۰۶، هري بروک ۹۹ او سمېت د ۴۰ منډو په ترسره کولو بریاليشول.

په دویمه پاڼۍ کې هندۍ لوبډلې د کې اېل راهول ۱۳۷ او ریشب پنټ ۱۱۸ منډو په مټ ۳۶۴ منډې هدف وټاکه.

اېنګلنډ لوبډلې د بېن ډکېټ ۱۴۹ په زړه پورې منډو په مټ وکولی شول یاد هدف په ۸۲ اورونو کې پوره او هندۍ لوبډله له ماتې سره مخکړي. له ډکېټ سره د سمېت، کراولي او جو روټ توپوهنې هم په بریا کې مهمه ونډه لرله.

په توپ اچونه کې  بومرا په لومړۍ پاڼۍ کې ښه وځلېده، ۵ لوبغاړي یې وسوځول او پراسید کرېشنا ۳ وېکټې د هند لپاره واخیستې.

د اېنګلنډ لپاره لومړۍ پاڼې کې سټوکس او ټانګ هر یوه څلور څلور لوبغاړی وسوځول.

د توپ اچونې په دویمې پاڼۍ کې ټانګ او کارس درې درې او بشیر دوه لوبغاړي وسوځول. خو هند لوبډلې د دوېمې پاڼې په توپ اچونهکې ښه پیل وانخیست، د کراولي او بېن ډکېټ ترمنځ د لومړۍ وېکټې په زړه پورې ملګرتیا ترسره شوه.

هندۍ لوبډله په ډګر ساتنه کې کمزورې برېښېده او ښایي د ماتې مهم لامل یې هم د ډیرو کېچونو ډراپ کول او د لوبډلمشر له خوا د توپاچوونکو ناسم استعمال وي.

اېنګلنډ خپله لومړۍ وېکټه په ۱۸۸ منډو له لاسه ورکړه، او په ټوله کې هند د اېنګلڼد لوبډلې یواځې پنځه لوبغاړي وسوځول او پدې سرهاېنګلنډ وکولی شول د انډرسن_ټنډولکر ټرافۍ کې ۱ – ۰ مخکې شي.

د هند دا ماته د ګېل لپاره د لوبډلمشرۍ ښه پیل نه وو سره له دې چې په لومړۍ پاڼۍ کې یې ښکلې توپ وهنه ترسره کړه خو بیا یې همونشو کولې خپله لوبډله بریا ته ورسوي.

دا لومړی ځل دی چې یوه لوبډله په لوبه کې د پنځو لوبغاړو د سلیزې سره سره لوبه بایلي.

دویم پړاو ملي شل اوریزه جام راتلونکې اوونۍ کې پيليږي.

لومړي پړاو کې په کې کومې لوبډلې اتلولي خپله کړې وه؟ همدا راز د لومړي پړاو په پرتله په دویم پړاو کې ولې د لوبډلو شمير کم شوی؟

کرکټ بورډ يې د کومې موخې لپاره کوي؟ او نور کوم بدلونونه په کې راغلي؟

په دې په دغه ځانګړي مطلب کې مو روښانه کړې!

د افغانستان کرکټ بورډ په پام کې لري چې راتلونکې اوونۍ په کندز ولايت کې د“ملي شل اوریز جام” دویم پړاو سيالۍ پيل کړي، چې دلومړي پړاو په پرتله په کې ګڼ شمېر بدلونونه راغلي دي.

تېر ۲۰۲۴ز کال د دغه ايوينټ لومړی پړاو وو، چې د پنځه لوبډلو ترمنځ د “قوشتيپې شل اوریز جام” تر نامه لاندې په کابل لوبغالي کېترسره

شو، خو دا ځل ورته د “واخان شل اوریز جام” نوم ورکول شوی، د لوبډلو شمير يې هم له پنځو څلورو ته راښکته شوی او هم ورته نوينومونه غوره شوي.

لومړی پړاو سیالۍ د پنځه زونونو سپين غر، بست، بند امیر، مس عینک او آمو لوبډلو په ګډون ترسره شوې وې، چې په کې د حشمتشهیدي په لوبډلمشرۍ بند امیر اتلولي خپله کړې وه.

خو په دویم پړاو کې بيا د نويو نومونو او لوبډلمشرانو سره څلور لوبډلې ګډون لري، چې د نجيب ځدران په لوبډلمشرۍ ميوند اتلان، دحضرت ځاځي په لوبډلمشرۍ ماهيپر ستوري، د اسحاق رحيمي په لوبډلمشرۍ د هندوکش سټرايکرز او د ننګيال خروټي په لوبډلمشرۍ دپامير لېجنډز لوبډلې به د يو د بل پر وړاندې ولوبيږي.

د افغانستان کرکټ بورډ ويلي له دغه سياليو يې موخه د ځينو باتجربه لوبغاړو سره د ځوانو لوبغاړو لوبيدل دي، څو ورڅخه تجربې ترلاسهکړي، چې د غوره کارکردګۍ لرونکي لوبغاړي به د افغانستان سترو کورنيو لوبو شپږيزه ليګ ته هم غوره شي.

په تير لومړي پړاو کې د غوره کارکردګۍ لرونکي لوبغاړي:

– د افغانستان ملي شل اوریز جام په لومړي پړاو کې مخکښ منډې جوړونکی ابراهيم ځدراڼ وو چې ۳۲۳ منډې یې جوړې کړې وي.

_ ځوان سپينر توپ اچونکی وحيد ځدراڼ په ۱۳ ويکټو اخيستو سره مخکښ ويکټ اخيستونکی وو.

– او ترټولو ډيرې ۱۹ شپږيزې صديق اتل وهلې وي.

د يادولو ده چې دویم پړاو “واخان ملي شل اوریز جام” به د روانې جون مياشتې په ۲۸مه نيټه په کندز کرکټ ملي لوبغالي کې پيل شي،چې د جولايي مياشتې تر ۷مې نيټې پورې به دوام وکړي.

ټاکل شوې د هند او اېنګلنډ لوبډلې د ۲۰۲۵–۲۰۲۷ کال ټېسټ اتلولۍ په درشل کې خپله لومړۍ لوبه د روانې زېږدیزې میاشتې په شلمهنېټه په اېنګلنډ کې پیل کړي.

په یاد سفر کې به پنځه لوبې ترسره شي، چې شوبمن ګېل به د روهېت شرما له استعفا وروسته په لومړي ځل ټېسټ لوبو کې د هندۍلوبډلې لوبډلمشري په غاړه ولري.

د هند لوبډله کې د لوبډلمشر ګېل سره وېکټ کیپر ریشب پنټ، کې اېل راهول، سای سودارشن، یاشاسوي جېسوال، ابیمانیو ایسواران،کارون نایر، نتېش کومار رېدي، روېندرا جډېجا، واشېنګټن سوندر، شاردول ټاکور، جسپرېټ بومرا، محمد سراج، پراسید کرېشنا، اکاشډیپ، ارشډیپ سېنګ، هرشیت رانا، کلدیپ یادوف او درو جوریل لوبغاړي د پینځلس کسیز نوملړ برخه دي، او د اېنګلنډ لوبډله کې به بېنسټکوکس لوبډلمشر، اولي پاپ، هېري بروک ، جایکوب بېټل، شعېب بشیر، بېن ډکېټ، زاک کراولي، سام کوک، براېډون کارس، جوش ټانګ،جېمي سمیت،جو روټ، جېمپ اوورټن او کرېس ووکس ولوبیږي.

دا به لومړۍ ټېسټ لوبه وي چې هند لوبډله به یې د دوو تکړه لوبغاړو روهېت شرما او وېرات کوهلي په نشتون ترسره کوي.

نوموړو لوبغاړو له خپل بریالي سفر وروسته څه موده وړاندې خپل ټېسټ کېریر ته د پای ټکی کېښود.

دا په داسې حال کې ده چې د دې لوبغاړو په تېره بیا د ویرات کوهلي له استعفا وروسته ګڼو مینوالو او د کرېکټ مبصرینو د دې پرېکړې پهاړه خواشیني څرګنده کړې او وایي چې په دې فارمټ کې به یې تشه په لوبغالي کې تر ډېره محسوسه شي.

تازه د اېنګلنډ لوبډلې تکړه لوبغاړي جو روټ هم د کوهلي د نشتون په اړه ویلي چې نوموړی به د کوهلي له هغو شوخیو بې برخې وي چېورسره به یې په لوبغالي کې ترسره کولې.

په ورته وخت، د هند لوبډلې تکړه توپ وهونکی کېرون نایر هم له ۸ کلونو ځنډ  وروسته یو ځل بیا وتوانېده د دې لوبډلې د ټېسټ لوبو پهسکواډ کې ځای خپل کړي.

د مرستیال لوبډلمشر ریشب پنټ په وینا ګېل به په لومړۍ ټېسټ لوبه کې په څلورم پوزېشن او خپله پنټ به په پنځم پوزېشن ولوبیږي.

دواړو لوبډلو تر دې دمه ۱۳۶ ټېسټ لوبې ترسره کړي چې په کې د اېنګلنډ لوبډلې د بریا کچه زیاته ده او ډېرې لوبې یې ګټلي.

دا لوبې په داسې حال پیل کیږي چې څو ورځې وړاندې د نړېوالو ټېسټ لوبو اتلولۍ درېیم پړاو د سویلي افریقا لوبډلې په بریا پای تهورسېده.

یادې لوبډلې ۲۷ کاله وروسته په لومړي ځل د آی سي سي یو نړیوال ټورنمنټ کې اتلولي وګټله، دا لوبه د آسټرالیا او سویلي افریقا ترمنځپه لورډز لوبغالي کې ترسره شوه.

د تیر ۲۰۲۳–۲۰۲۵ کال د نړیوالو ټېسټ لوبو د اتلولۍ په نوملړ کې هند په دریېم او اېنګلنډ په پنځم مقام کې ځای لري.

دا لوبلړۍ به سبا د جمعې په ورځ پیل او په پنځو بېلابېلو لوبغالو کې به ترسره شي.

د نړيوالو ټيسټ لوبو اتلولۍ څه ډول سيالۍ دي؟ څه وخت رامنځته شوې؟ او په کوم اساس په کې لوبډلې تر پايلوبې او اتلولي رسيږي؟

په ۲۰۱۰م کال کې د کرکټ نړيوالې شورا وغوښتل چې په ټيسټ سياليو کې هم د لوبډلو ترمنځ يو ايوينټ رامنځته کړي، ترڅو د ټيسټکرکټ ارزښت وساتي او لوبډلې او لوبغاړي هم ټيسټ کرکټ ته شاه نه کړي، خو دغه نظريه بيا هغه وخت عملي نه شوه او د کلونو په ځنډپه ۲۰۱۹م کال کې د ټيسټ لوبو اتلولۍ په نوم، سيالۍ پيل شوې، چې د ټيسټ لوبو مخکښو نهه هيوادونو پکې ګډون درلوده، دغه ايوينټ تهدوه کاله وخت ورکول شو او هر هيواد ته شپږ ټيسټ سيريزونه ورکول شو، چي درې پخپل کوربتوب او درې له کوره دباندې ترسره کړي.

د دوه کلونو په اوږدو کې د هرې لوبډلې د کارکردګۍ په اساس دوی ته نومرې ورکول کيږي چې د نومورو په جدول کې مخکښې دوهلوبډلې د ټيسټ لوبو اتلولۍ پايلوبې ته لاره پيدا کوي او بيا يې ترمنځ په ټاکلې نيټه پايلوبه ترسره کيږي.

د ټيسټ لوبو اتلولۍ په لومړي پړاو کې چې په ۲۰۱۹م کال کې پيل او په ۲۰۲۱م کال کې يې پايلوبه د هند او نيوزيلينډ ترمنځ په انګلينډکې ترسره شوه، نيوزيلينډ لوبډلې پکې بريا خپله او د لومړۍ لوبډلې په توګه يې د نړيوالو ټيسټ لوبو اتلولي خپله کړه.

د ټيسټ لوبو اتلولۍ دوهم پړاو د همدغه نهه مخکښو لوبډلو ترمنځ په ۲۰۲۱م کال کې پيل شو، چې په ۲۰۲۳م کال کې يې پايلوبې ته بياهم هند او اسټراليا لوبډلو لاره پيدا کړه او بيا هم د انګلينډ په لارډز لوبغالي کې دغه پايلوبه کې اسټراليا بريا خپله کړه او د اتلولۍ جاميې پخپل نوم کړ.

د ټيسټ لوبو اتلولۍ دريم پړاو بيا هم د نهه لوبډلو سويلي افريقا، اسټراليا، هند، نيوزيلينډ، انګلينډ، پاکستان، سريلانکا، بنګله دېش اوويسټ انډيز ترمنځ په ۲۰۲۳م کال کې پيل شو چې پکې پايلوبې ته په لومړي ځل سويلي افريقا او دفاعي اتلې اسټراليا لاره پيدا کړه،کومه پايلوبه چې هم دا مهال د انګلينډ په لارډز تاريخي لوبغالي کې روانه ده.

د يادولو وړ ده چی د کرکټ نړيوالې شورا له لوري د نړيوالو ټيسټ لوبو اتلولۍ ته د ترتيب شوې پلان له مخې به دغه سيالۍ په راتلونکېدوه کلونو کې په همدغه اساس مخ ته ځي.

د امریکا مېجر لیګ سږنۍ سیالۍ د روانې جون میاشتې په دولسمه نېټه درې ورځې وروسته پیلیږي.

د مېجر لیګ ټولې لوبې د ټېکزاس، کلېفورنیا او فلورېډا ایالتونو په لوبغالو کې پلان شوي دي. 

د سږکال لپاره یو شمېر افغان لوبغاړي هم په دغه لیګ کې اخیستل شوي، خو تازه اندېښنه امریکا ته د ځینو هېوادونو د وګړو په سفر بندیز دی چې افغانستان هم په کې شامل دي.

هم مهاله دوه افغان لوبغاړي«نوین الحق او نور احمد» د مېجر لیګ د لوبولو لپاره امریکا ته تللي او په تمریناتو بوخت دي.

په ټوله کې به سږکال اووه افغان لوبغاړي د مېجر لیګ برخه وي. راشد خان، عظمت الله عمرزی او نوین الحق د ممبۍ انډینز نیویارک لپاره، وقار سلامخیل، ګلبدین نایب او فضل الحق فاروقي د سېټلاورکاس او نور احمد لکڼوال به له ټیکزاس سوپر کېنګ سره ولوبیږي.

په همدې حال کې د امریکا مېجر لیګ د نړۍ یو له نویو او پرمختللو شل اوریزو لیګونو دی، چې درې کاله وړاندې امریکا کې په لاره واچولشو.

دا لیګ په ۲۰۲۳ کال رسماً پیل شو، چې په امریکا کې یې د کرېکټ په وده مهمه اغیزه لرلې ده. داسې چې امریکا په لومړي ځل یو لوی ټورنمنټ ( ۲۰۲۴ شل اوریز نړیوال جام) کې د یوې حیرانوونکې لوبې وروسته د پاکستان په څېر تکړه لوبډله په سوپر اوور کې له ماتېسره مخ کړه.

لاس انجلیس نایټ رایډرز، ممبۍ انډینز نیویارک، ټیکزاس سوپر کېنګ، سېټل اورکاس، سن فرانسیسکو یونیکورن او واشېنګټن فریډم هغه شپږ لوبډلې دي چې په دې لیګ کې لوبیږي.

د نړۍ د بېلابېلو هېوادونو یو شمېر نوموتي او تکړه لوبغاړي لکه راشد خان، نیکولاس پوران، ټرېنټ بولټ، جېسن رای، کېرن پولارډ، هېنرېک کلاسن، حارث رؤوف او داسې نور د دې لیګ برخه دي.

په لومړي کال  د لیګ اتلولي د ممبۍ انډینز نیویارک لوبډلې وګټله چې د لوبې غوره لوبغاړی ویسټ انډیزی (نیکولاس پوران) وټاکلشو.

په ۲۰۲۴ کال کې واشنګټن فریډم لوبډلې د ( سټیف سمېت ) په لوبډلمشرۍ وکولی شول د دې لیګ اتلولي خپله کړي او د لوبې غوره لوبغاړی هم لوبډلمشر سمېت خپله وو.

د ۲۰۲۵ کال هند غوره لیګ چې د مارچ میاشتې پر ۲۲مه نېټه پیل شوی وو، له څه باندې دوو میاشتو وروسته د جون پر ۳مه نېټه پای تهورسېد.

پایلوبه یې د بنګلور او پنجاب لوبډلو تر منځ د هند احمدآباد ښار په (نرېندرا مودي) لوبغالي کې ترسره شوه.

د آی پي اېل سیالیو ۱۸م پړاو کې لسو لوبډلو ګډون کړی و چې له ګڼو ننګونو سره سره بلاخره د بنګلور لوبډلې اتلولي وګټله.

د هند غوره لیګ په تاریخ کې د لومړي ځل لپاره دوه داسې لوبډلې پایلوبه کې ولوبېدې چې تر دې دمه یې د دغه ستر سوداګریز لیګ اتلولينه وه خپله کړې.

پنجاب او بنګلور دواړه هغه لوبډلې وې، چې تر اوسه یې پایلوبه نه وه ګټلې.

پنجاب لوبډلې دوه ځلې او بنګلور څلور ځلې تر پایلوبې ځان رسولی و،  خو له ماتې سره مخ شوې وې. بنګلور لوبډلې وکولی شول پهڅلورم ځل فاینل ته په رسېدو پنجاب ته ماته ورکړي او د لومړي ځل لپاره د لیګ اتلولي په خپل نوم کړي. پنجاب لوبډلې د پچې په ګټلو دتوپ اچونې پرېکړه وکړه. بنګلور د نهه لوبغاړو په سوځېدو مقابلې لوبډلې ته د ۱۹۱ منډو هدف وټاکه، په ځواب کې یې پنجاب لوبډلې د ۷لوبغاړو په سوځېدو ۱۸۴ منډې ترسره کړې او د شپږو منډو په توپیر یې لوبه وبایلله.

دا په داسې حال کې ده چې د تېر کال د پایلوبې لوبېدونکې لوبډلې کلکته نایټ رایډرز او سنرایزر حیدرآباد سږکال یواځې تر لیګ سټېجهورسېدې او له مخکې تګ پاتې شوې.

په پایلوبه کې د لوبې غوره لوبغاړی ( کرونل پانډیا )  ، او د لیګ غوره لوبغاړی د ممبۍ لوبډلې تکړه توپوهونکی ( سوریا کومار یادوف ) ونومول شول.

په سږکال آی پی اېل کې هم د نورو کلونو په څېر یو شمېر افغان لوبغاړي په بیلابیلو لوبډولو کې ولوبېدل. راشد خان او کریم جنت دګجرات لوبډلې، نور احمد د چېنای سوپرکېنګ لپاره، فضل الحق فاروقي د راجستان، رحمن الله ګربز د کلکته نایټ رایډرز، عظمت اللهعمرزی د پنجاب لوبډلې لپاره او مجیب الرحمن د ټپي شوي الله محمد غضنفر پرځای د ممبۍ لوبډلې په ګټه ولوبېدل.

د لیګ په وروستیو لوبو کې د ډهلي لوبډلې د انګرېز لوبغاړي( هېري بروک )له ټپي کېدو وروسته  له ځوان افغان لوبغاړي صدیق الله اتلسره د لوبېدو تړون لاسلیک کړ.

اتل په وروستیو درېیو لوبو کې د ډهلي لوبډلې برخه وو، خو یواځې یوه لوبه کې د لوبېدو چانس ورکړل شو.

په ورته وخت کې ډهلي لوبډلې وویلي وو، که چېرې دا لوبډله نیمه پایلوبې ته لار پیدا کوي نو بل افغان لوبغاړی ګل بدین نایب به هم له دغېلوبډلې سره یوځای شي. دا په داسې حال کې ده چې ګلبدین نایب تېر کال هم د دې لوبډلې غړی وو.

د سږکال هند غوره لیګ په وروستیو کې د هند او پاکستان تر منځ د سیاسي کړکېچ تاو تر کرېکټ هم راورسېد چې، له امله یې د لیګسیالۍ د یوې اوونۍ لپاره وځنډول شوې او ډېر لوبغاړي یې خپلو هېوادونو ته ستانه شول. د لوبو د بیا پیل سره ګڼ لوبغاړي له خپلو لوبډلوسره يوځای او یو شمیر نورو یې د خپلو «ملي مسولیت” له امله د لیګ پاتې سیالیو سره پرېکون وکړ.

د افغان لوبغاړو له لوري نور احمد لکڼوال له نورو لوبغاړو ښه وځلېده او د لیګ لوبو تر پایه یې د ډېرو وېکټو اخیستونکو لوبغاړو ترمنځ د۲۴ لوبغاړو په سوځولو لومړی مقام خپل کړی و.

عظمت الله عمرزي هم په خپلې هر اړخیزې لوبې، د پنجاب لوبډلې لپاره پایلوبې ته په رسېدو کې مهمه ونډه لرله او په ایلېمنېټور کې یې دممبۍ لوبډلې دوه مهم لوبغاړي وسوځول.

د ګجرات لوبډلې سره له دې چې ویې نشو کړای پایلوبې ته ځان ورسوي، خو بیا یې هم لوبغاړي د ډېرو وېکټو اخیستو او ډېرو منډوترسره کوونکو لوبغاړو ترمنځ د جدول په سر کې ځای خپل کړی، چې له ډلې یې سای سودرشن د (۷۵۹) منډو او پراسید کرېشنا د (۲۶) لوبغاړو په سوځولو لومړي مقامونو خپل کړي، او افغان ورو توپ اچوونکی نور احمد د ۲۴ لوبغاړو په سوځولو دویم مقام کې ځای لري.

د هند غوره لیګ سیالۍ له ۲۰۰۸م کال راهیسې هر کال ترسره کیږي، چې چینای او ممبۍ لوبډلې تر نورو لوبډلو ډېر پنځه، پنځه ځلې ددې لیګ اتلولي ګټلی ده.

د کرکټ يو ترټولو معتبر ويب سايټ “کرېک انفو” د یوې څېړنه کړې او په تېر ۲۵ کالونو کې يې د شل اوریزو سیالیو ۲۵ غوره او مخکښلوبغاړي په ګوته کړي، بيا يې د دوی لوبو ته کتنه کړ او ترمنځ يې پرتلنه کړې او بيا يې ورته درجه بندي ټاکلي، چې راشد خان لومړی مقامترلاسه کړی.

د دغه څيړنې اړوند چې کرېک انفو په خپل سایټ کې کوم راپور خپور کړی، پکې یې د راشد خان د ۲۰ اوریزو سیالیو کیریر ته کتنه کړېاو بيا يې تجزيه کړی، د لوبو ګټلو کې یې د نوموړي تاثيرات په لیګونو کې څېړلی او دغه راز یې د کرکټ د نوموتو لیګ بریکرانو سره دراشد خان د توپ اچونې پرتلنه کړې.

د کرېک انفو د راپور په اساس د شل اوریزو لوبو ۲۵ مخکښ لوبغاړو کې فقط ۵ یې بالران یا توپ اچوونکي دي چې راشد ترې د وړتیاواو تېر ریکارډ له مخې لومړی هغه غوره شوی دی.

دوی د راشد خان د بالنګ په ځانګړتیاو په تړاو ليکل کړې چې په دې بڼه کې د نړۍ په سطحه مخکښ بالر دی او د نوموړي توپ اچونه یېد پاکستاني عبدالقادر، اسټرالیاوي شین وارن، هندي انیل کمبلی سره پرتله کړې.

د سرعت له مخې یې د راشد خان مقایسه بیا د پاکستاني شاهد افریدي، ویسټ انډیزي سمیول بدري، او افریقايي عمران طاهر سرهکړې.

راپور کې دا هم راغلي چې راشد د رسيټ سپن څخه ډېر فنګر سپن کوي او چټکې وېکټې اخلي.

دوی ویلي چې د راشد بالنګ سټرایک له ۱۷ څخه کم دی یعنې د هر ۱۷ توپونو مخکې یې یوه وېکټ اخیستې، او د بالنګ ایکانومي یې له۷ کمه ده یعنې هر اور کې یې له ۷ کمې منډې ورکړي دي.

دلته د راشد خان ترڅنګ د نورو هغه لوبغاړو مقامونه دي، کوم چې د کرېک انفو له لوري درجه بندي شوي.

۱ راشد خان، ۲ سونیل ناراین، ۳ای‌بي ډيويليرز، ۴ لاسیت ملینګا، ۵ اندري رسل، ۶ کریس ګیل، ۷ جسپریت بومرا، ۸ کییرون پولارډ،۹شین واټسن، ۱۰ ډواین براوو، ۱۱ ډیویډ وارنر، ۱۲ جاس بټلر، ۱۳،ايم‌ايس ډوني۱۴، سوریاکمار یادو

۱۵ فف دوپلیسیس، ۱۶نیکولاس پوران، ۱۷ ګلېن مکسویل ، ۱۸سوریش رینا، ۱۹ ویرات کوهلي، ۲۰عمران طاهر، ۲۱ برینډن مک‌کلم،۲۲جیمز وینس، ۲۳ډانيل کريسټن، ۲۴ شاهد افريدی، ۲۵بونيشور کمار

د ټيسټ اتلوليو نهه لوبډلو ته د نغدي جايزو په ورکړه کې دوه برابره زياتوالی راغلی.

خو هره لوبډله به څومره پيسي ترلاسه کوي؟

د کرکټ نړيوالې شورا تيره ورځ د ۲۰۲۳–۲۰۲۵ کلونو درېيم پړاو نړيوالو ټيسټ لوبو اتلولۍ ګډونوالو نهه لوبډلو ته د نغدي جايزو رقم اعلانکړ، چې د تيرو دوه پړاونو په پرتله په کې دوه برابره زياتوالی راغلی دی.

د کرکټ نړيوالې شورا په هرو دوه کلونو کې يوځل د ټيسټ اتلولۍ په نوم د نهه لوبډلو ترمنځ يو ټورنمنټ ترسره کوي، چې دوه کاله دوام کوياو دوه مخکښې لوبډلې يې پايلوبې ته لاره پيدا کوي، چې د پايلوبې ګټونکې لوبډلې ته د اتلولۍ جام ورکول کيږي او اتله حسابيږي.

اوس له ۲۰۲۳–۲۰۲۵م کلونو د نړيوالو ټيسټ لوبو اتلولۍ پايلوبې ته سويلي افريقا او اسټراليا لوبډلو لاره پيدا کړې ده.

چې د پايلوبې ګټونکې لوبډلې ته به ۳.۶ میلیونه ډالر ورکول کيږي، د دوهم مقام لوبډله به بيا ۲.۱۶ میلیونه ډالر نغدې جايزه ترلاسه کړي.

په درېیم مقام چې هندۍ لوبډله ده ۱.۴۴ میلیونه ډالر به ورکول شي.

څلورم مقام چې د نیوزیلینډ دی ۱.۲ میلیونه ډالر به ترلاسه کړي.

په پنځم مقام چې انګلينډ دی ۹۶۰ زره ډالر به ورکول شي.

شپږم مقام چې سریلانکا لوبډلې خپل کړی ۸۴۰ زره ډالر به ترلاسه کړي.

اووم مقام چې د بنګله‌دېش دی ۷۲۰ زره ډالر به ورکول شي.

اتم مقام چې د ویسټ انډیز دی ۶۰۰ زره ډالر ترلاسه کړي.

وروستی نهم مقام چې پاکستان لوبډله په کې قرار لري ۴۸۰ زره ډالر به ترلاسه کړي.

د يادولو ده چې پايلوبه به د سويلي افريقا او استراليا ترمنځ د انګلينډ په لارډز تاريخي لوبغالي کې د راتلونکې جون مياشتې په ۱۱مهنيټه پيل شي.