افغان لوبغاړي او د ملي لوبډلې د شل اوریز فارمټ لوبډلمشر راشد خان تېره شپه د متحده عربي اماراتو خلاف له یوې په زړه پورې توپاچوونې سره وکولی شول چې په نړیوالو شل اوریزو لوبو کې د نیوزیلنډي چټک توپ اچوونکي ټېم سوتي د ډېرو وېکټو اخیستو ریکارډ پهخپل نوم کړي.
تېره شپه د افغانستان کرکټ ملي لوبډله د درې اړخیزې لوبلړۍ په لړ کې د اماراتو خلاف میدان ته ښکته شوه.
افغان لوبډلې وکولی شول په خپلې دویمې لوبه کې اماراتو ته د ۳۸ منډو په توپیر ماته ورکړي.
افغان لوبډلې د ابراهیم ځدران او صدیق الله اتل د پنځوسیزو پر مټ اماراتو ته د ۱۸۹ منډو هدف وټاکه.
د شرف الدین اشرف د درې وېکټو سربېره، راشد خان د ۲۱ منډو په ورکولو وتوانېد د سیالې لوبډلې ۳ لوبغاړي وسوځوي او په شل اوریزونړیوالو لوبو کې د ۱۶۵ لوبغاړو په سوځولو د ډیرو وېکټو اخیستونکو لوبغاړو په ډله کې لومړی مقام ترلاسه کړي.
تر دې وړاندې ټېم سوتي په شل اوریزو نړیوالو لوبو کې د ۱۶۴ ویکټو په اخیستو لومړي مقام کې ځای لره.
دا په داسې حال کې ده چې موده وړاندې راشد خان توانېدلی وو، په شل اوریزو لوبو کې د ۶۵۱ لوبغاړو په سوځولو د ویسټ انډیزيبراوو څخه مخکې او د ډېرو وېکټو اخیستونکو لوبغاړو په جدول کې لومړی ځای خپل کړي.