Category: cricket

by Spogmai Gharanai

د پلار او زوی د ګډ لوبېدلو ارمان – محمد نبي او حسن عیسیٰ خیل

د بنګلدېش پریمیر لیګ روان پړاو د نړۍ د کرېکټ مینه‌والو، او په ځانګړي ډول د افغان کرېکټ مینه‌والو لپاره یوه ځانګړې او تاریخي شېبه ډالۍ کړه.

تېره شپه د بنګلدېش پریمیر لیګ په سیالیو کې د افغانستان د کرېکټ وتلی ستوری محمد نبي او زوی یې، ځوان حسن عیسی‌خېل، په ګډه د نواخالي اېکسپرېس لوبډلې لپاره د سیالۍ میدان ته ښکته شول. دا د کرېکټ په تاریخ کې لومړی ځل و چې پلار او زوی د یوې لوبډلې په ګټه ولوبېدل.

په روان شل اوریز لیګ کې دا د حسن عیسی‌خېل لومړۍ لوبه وه چې نواخالي اېکسپرېس لوبډلې ورته د لوبېدو فرصت ورکړ. نوموړي هم له ورکړل شوي چانس څخه په غوره ډول ګټه واخیسته او په زړه پورې لوبه یې نندارې ته وړاندې کړه. حسن عیسی‌خېل د ۶۰ توپونو په لوبولو سره ۹۲ چټکې منډې ترسره کړې، خپله لوبډله یې بریا ته ورسوله او د لوبې د غوره لوبغاړي جایزه یې هم ترلاسه کړه.

محمد نبي او حسن عیسی‌خېل په ګډه د نواخالي اېکسپرېس لپاره په څلورمه وېکټ د ۵۳ منډو مهمه ملګرتیا وکړه، چې د لوبې په پایله کې یې مهم رول ولوباوه.

حسن عیسی‌خېل د ۱۵۳.۳۳ سټرایک رېټ سره، د اووه څلوریزو او پنځه شپږیزو په مټ ۹۲ منډې وکړې او خپلې سیالې لوبډلې ډاکه کپېټلز ته یې د ۱۸۴ منډو هدف وټاکه. ډاکه کپېټلز لوبډلې ونه شوای کولی ټاکلی هدف ترلاسه کړي او سیالۍ یې د ۴۱ منډو په توپیر وبایلله.

۱۹ کلن حسن عیسی‌خېل په دې وروستیو کې د افغانستان په کورني کرېکټ کې هم ښه ځلېدلی او په بېلابېلو کورنیو ټورنمنټونو کې یې د پام وړ کارکردګي ښودلې ده.

محمد نبي، چې د افغانستان د ملي لوبډلې تکړه او تجربه‌لرونکی لوبغاړی او د افغان کرېکټ له بنسټ اېښودونکو څخه ګڼل کېږي، د کلونو راهیسې په نړیوال او لیګ کرېکټ کې د خپلې ښې لوبې، پراخې تجربې او هر اړخیزې وړتیا له امله پېژندل کېږي. نوموړي د تېرې شپې د لوبې په اړه وویل:
«له ډېرې مودې راهیسې د داسې شېبې په انتظار وم چې له خپل زوی سره یوځای ولوبېږم، او هغه په خپلې لومړۍ لوبه کې په رښتیا هم ډېر ښه وځلېد.»

ورته مهال حسن عیسی‌خېل د لوبې له پای وروسته وویل:
«ما سخت تمرین کړی و، حتی په هغو ورځو کې چې د ارام لپاره وې هم مې تمرین کاوه. کله چې په لومړیو اوو لوبو کې د لوبډلې برخه نه وم، د نورو لوبغاړو لوبې مې څارلې، د هغوی تېروتنې مې په نښه کولې، ترڅو زه یې تکرار نه کړم.»

د افغانستان د ملي لوبډلې تکړه لوبغاړي رحمن‌الله ګربز هم په خپلو ټولنیزو رسنیو کې د تېرې شپې لوبه د خپل لوبیز ژوند یوه ځانګړې شېبه بللې او هیله یې څرګنده کړې چې حسن عیسی‌خېل د خپلې ښې کارکردګۍ په دوام سره وکولی شي د افغانستان ملي لوبډلې ته لار پیدا کړي.

by Amina Azizi

په ۲۰۲۵ کې د افغان ملي لوبډلې یو ورځنۍ لوبې، پایلې، بدلونونه او تاریخي کارنامه

افغان لوبډلې لکه د ټېسټ لوبو په څېر په تیر زېږدیز کال کې هم محدودې یو ورځنۍ لوبې کړي دي او په دې فارمټ کې یې بوخت کال نه درلود.

د افغانستان ملي لوبډلې په فبرورۍ میاشت کې د چمپینز ټرافۍ یا اتلانو جام کې د درې یو ورځنیو لوبو په ګډون ټولې شپږ یو ورځنۍ لوبې کړي چې درې یې د بنګله دېش پر وړاندې د یو ورځنۍ لوبلړۍ په چوکاټ کې ترسره کړې دي.

په چمپینز ټرافۍ کې هم افغان لوبډله د لومړي ځل لپاره ولوبېده چې په ب ګروپ کې له سویلي افریقا، انګلېنډ او اسټرالیا سره وه.

لومړۍ لوبه یې د سویلي افریقا پر وړاندې د ۱۰۷ منډو په ستر توپیر وبایلله.
په دې لوبه کې د افغانستان لپاره یوازې رحمت شا غوره توپ وهنه وکړه او ۹۰ منډې یې جوړې کړې.

په چمپینز ټرافۍ کې د افغان لوبډلې په نوملړ کې یو بدلون د صدیق اتل راتګ و چې په لومړي ځل یو نړیوال اېونټ کې د افغانستان لپاره ولوبېد.

په ۲۰۲۵ کال کې د افغانستان دویمه یو ورځنۍ لوبه په چمپینز ټرافۍ کې د انګلېنډ پر وړاندې وه چې په یوه په زړه پورې لوبه کې یې په اتو وېکټو ماتې ورکړه.

د دغې لوبې تر ټولو مهمې او جالبه شېبې د ابراهیم د توپ وهنې وې چې په ۱۴۶ توپونو یې ۱۷۷ سترې منډې وکړې او د افغانستان د یو ورځنیو لوبو په تاریخ کې یې د غوره انفرادي پاڼۍ کارنامه جوړه کړه.

همداراز په دې لوبه کې عظمت الله عمرزي په دواړو برخو توپ وهنه او توپ اچوونه کې عالي کارکردګي لرله چې ۴۱ منډې یې جوړې کړې او په توپ اچوونه کې یې پنځه لوبغاړي وسوځول چې په ټوله کې یې په بریا کې کلیدي رول ولوباوه.

درېیمه یو ورځنۍ لوبه یې د اسټرالیا پر وړاندې وه چې د ورښت له کبله بې پایلې شوه.

افغان لوبډلې سیالې اسټرالیا ته ۲۷۳ منډې هدف ورکړی و چې په دویمه پاڼۍ کې د ورښت له کبله لوبه د اسټرالیا د یو لوبغاړي په زیان د ۱۰۹ منډو پر مهال ودرېده او بې پایلې پای ته ورسېده.

په دې لوبه کې صدیق اتل په یو ورځنیو نړیوالو لوبو کې لومړۍ نیمه سلیزه جوړه کړه او د په زړه پورې توپ وهنې په دوام یې ۸۵ منډې جوړې کړې.

په ټوله کې د چمپینز ټرافۍ یو ورځنیو لوبو کې د افغانستان لپاره ابراهیم ځدراڼ ۲۱۶، عظمت الله عمرزي ۱۲۶، رحمت شاه ۱۰۶ او صدیق اتل ۱۰۵ ډېرې منډې وکړې.

په توپ اچوونه کې عظمت الله عمرزي اووه او محمد نبي ۴ وېکټې ترلاسه کړې.

افغان لوبډلې له چمپینز ټرافۍ وروسته د دوه اړخیزې لوبلړۍ په چوکاټ کې د بنګله دېش پر وړاندې درې یو ورځنۍ لوبې ترسره کړې چې درې واړه یې په ښه توپیر وګټلې.

دغه لوبلړۍ د اکټوبر په اتمه پیل شوه چې په لومړۍ لوبه کې یې افغانستان سیالې لوبډلې ته د ۵ وېکټو په توپیر ماتې ورکړه.

په دې لوبلړۍ کې د لومړي ځل لپاره ځوان توپ اچوونکي بشیر احمد افغان ته هم ځای ورکړل شوی و چې په لومړۍ لوبه کې یې ۲۵ منډې ورکړې او کومه لاسته راوړنه یې نه لرله.

همداراز په توپ وهنه کې رحمن الله ګربز او رحمت شاه نیمه سلیزې جوړې کړې او عظمت الله عمرزي ۴۰ منډې وکړې او توپ اچوونه کې یې درې لوبغاړي وسوځول چې د غوره لوبغاړي جایزه یې هم واخیسته.

دویمه لوبه هم افغانستان د ۸۱ منډو په ستر توپیر وګټله.

دا ځل ابراهیم ځدراڼ غوره پاڼۍ ولوبوله او ۹۵ منډې یې وکړې په توپ اچوونه کې راشد خان ۵ او عمرزي درې وېکټې ترلاسه کړې.

په دې لوبه کې رحمت شا د پښې د ټپ له امله له لوبې ریټایر اوټ شو او د لوبې په پای کې یې هم ونه شول کولی پاڼۍ ولوبوي.

نوموړی د ټپي کېدو له امله له ټولې لوبلړۍ ووت او پر ځای یې اکرام علیخېل نوملړ ته اضافه شو.

د لوبلړۍ درېیمه یو ورځنۍ لوبه او په ټوله کې په ۲۰۲۵ کې کې د افغانستان وروستۍ یو ورځنۍ لوبه د اکټوبر په ۱۴مه ترسره شوه چې دا هم افغان لوبډلې د ۲۰۰ منډو په ستر توپیر وګټله.

یو ځل بیا هم ابراهیم ځدراڼ ۹۵ منډې وکړې، همداراز ورپسې محمد نبي ۶۲ او رحمن الله ګربز ۴۲ ډېرې منډې وکړې.

په توپ اچوونه کې بلال سمېع چې په وروستۍ لوبه کې فرصت ورکړل شو او له وطنه لوبې ته ولاړ د پام وړ کارکردګي وکړه او ۵ لوبغاړي یې وسوځول، راشد خان درې او عمرزي یو وېکټ واخیسته.

په ۲۰۲۵ کال کې د افغانستان لپاره یو ورځنیو لوبو کې تر ټولو ډېرې منډې ابراهیم ځدراڼ ۴۲۹، عظمت الله عمرزي ۱۸۶، رحمت شا ۱۶۵ او صدیق اتل ۱۴۸ منډې کړي دي.

بل لور توپ اچوونه کې راشد خان ۱۲ او عمرزي ۱۱ وېکټې اخیستي دي.

د یادونې وړ ده چې راشد خان د ۲۰۲۵ کال تر پایه د یو ورځنیو لوبو د جدول لومړنی غوره توپ اچوونکی او عظمت الله عمرزی لومړنی غوره ټولچاری لوبغاړی پاتې شو.

by Amina Azizi

په تیر ۲۰۲۵ز کال کې په شل اووریزو فارمټ کې د افغان لوبډلې سفر

افغان لوبډلې سږکال د نورو فارمټونو په پرتله په شل اووریز کې نسبتاً ډېرې ۱۴ لوبې کړي چې اووه یې ګټلي او اووه یې بایللي دي.

که څه په شل اووریزو لوبو کې هم افغان لوبډله د نړۍ له پیاوړو او مخکښو لوبډلو حسابیږي خو سږکال یې سفر ډېر په زړه پورې نه وو.

افغان ملي لوبډلې له پاکستان او متحده عربي اماراتو سره د درې اړخیزې لوبلړۍ پر مهال ۵، په آسیا جام کې درې، له بنګله دېش سره دوه اړخیره لوبلړۍ کې درې او له زمبابوې سره هم په دوه اړخیره لوبلړۍ درې شل اووریزې لوبې کړي.

په درې اړخیزه لوبلړۍ کې یې د پایلوبې په ګډون دوه، په آسیا جام کې هم دوه او د بنګله دېش پر وړاندې یې درې شل اووریزې لوبې بایللې دي.

په درې اړخیزه لوبلړۍ کې یې یو د پاکستان او دوه د متحده عربي اماراتو پر وړاندې، په آسیا جام کې یوه د هانګ کانګ پر وړاندې او دوه اړخیزه لوبلړۍ کې یې د زمبابوې پر وړاندې درې شل اووریزې لوبې ګټلې دي.

د افغانستان پاکستان او متحده عربي اماراتو په درې ملیتي لوبلړۍ کې د لوبلړۍ په کچه او هم د افغانستان لپاره تر ټولو ډېرې ابراهیم ځدراڼ ۱۹۴ او بیا صدیق الله اتل ۱۵۴ منډې کړي.

همداراز توپ اچوونه کې د ملي لوبډلې لپاره راشد خان ۹ وېکټې اخیستي.

په آسیا جام کې د افغانستان لپاره په درې لوبو کې صدیق الله اتل ډېرې ۹۱ او په دویم نمبر عظمت الله عمرزي ۸۹ منډې کړې دي.

د بنګله دېش پر وړاندې تر ټولو ډېرې منډې رحمن الله ګربز ۸۲ او راشد خان ۶ وېکټې ترلاسه کړي دي او د زمبابوې پر وړاندې د افغان لوبډلې لپاره ابراهیم ځدراڼ ۱۶۹ منډې کړي او عبدالله احمدزي چې په لومړي ځل نړیوالو شل اووریزو لوبو ته غوره شوی وو اووه وېکټې ترلاسه کړي.

په ټوله کې په ۲۰۲۵ز کال کې د افغانستان لپاره په شل اووریزو لوبو کې ابراهیم ځدراڼ په ۱۴ پاڼیو کې ۴۵۳، رحمن الله ګربز هم ۱۴ پاڼیو کې ۳۸۴ او صدیق اتل په ۱۳ پاڼیو کې ۳۷۴ منډې جوړې کړي دي.

په توپ اچوونه کې بیا راشد خان په ۱۲ لوبو کې ۲۱، مجیب الرحمن ۹ لوبو کې ۱۳ او عظمت الله عمرزي ۱۳ لوبو کې ۱۲ وېکټې ترلاسه کړي دي.

by Bashir Gharwal

Kabul and Tashkent Join Hands for Cricket Growth – Afghanistan to Train Uzbekistan Cricket Team and Officials

Delegation and players of the Cricket Federation of Uzbekistan (CFU) visit Kabul following the landmark Memorandum of Understanding (MoU) signed between the two neighbouring countries. The Afghanistan Cricket Board (ACB) and CFU officially signed the MoU in Tashkent on the 1st of December, aimed at developing and fostering cricketing ties between the two nations. The request had initially come from the Chairman of CFU Mr. Aziz Mihliev in one of the ICC meetings. Mr Aziz told ACB Media “I met ACB Chairman, respected Mirwais Ashraf in one of the International Cricket Meetings. We had a very good discussion; I tried to convey to him the message (of supporting CFU). Following the ICC meeting, ACB had approached CFU to discuss the details of the MoU and how ACB can support cricket in Uzbekistan.

ACB Delegation in Tashkent – Uzbekistan

The MoU sets out a comprehensive roadmap over the course of five years aimed at enhancing organisational development, providing training to Uzbek national players as well as strengthening the technical capabilities of CFU, which will include coaching courses, umpiring and officiating training, S&C and physiotherapy programs, talent identification, and development camps led by elite Afghan coaches.

Friendly fixtures on youth level are also an integral part of the MoU. ACB Spokesperson Mr. Sayed Naseem Sadat told ACA “Afghanistan’s A team, U19 team and domestic competitions champion teams will also feature in bilateral fixtures in Uzbekistan in order to help provide the competitive exposure necessary for the CFU’s on-field cricket development.”

Following the official endorsement of the MoU, a delegation from CFU visited Kabul on the 21 December, including three officials and three players (fast bowlers). The officials attended the two days long match-referee course organised at the ACB headquarters in Kabul. The course was delivered by an official match referee from the international Cricket Council.

CFU official attended match-refree course at ACB in Kabul-Afghanistan

The three fast bowlers are invited to partake in ACB’s fast bowling training which is scheduled to take place in the southern city of Kandahar. “ACB requested us to send three bowlers, it was difficult to select only three players because the news was widespread among the players and the interest was so much that I had to request the ACB if we can send more players, ACB assured us that more similar opportunities will definitely arise in the near future, where there will be extra spaces allocated to CFU players.” said CFU’s Chairman Mr Aziz during his Kabul visit.

CFU players and officials in Kabul-Afghanistan

This mutual cooperation is a pivotal moment which marks a significant milestone for ACB as a rising cricketing body. By extending a helping hand beyond it’s border, ACB reinforces it’s role as regional influential stakeholder in the global growth of the game of cricket, as well as deepening diplomatic and institutional ties in the region. Sharing hard-earned expertise with emerging nations like Uzbekistan, positions Afghanistan as a leading force in nurturing cricket across the region.

درې اړخیزه لوبلړۍ او د افغان ۱۹ کلنو وروستیو لوبو ته ځغلنده نظر
by Amina Azizi

درې اړخیزه لوبلړۍ او د افغان ۱۹ کلنو وروستیو لوبو ته ځغلنده نظر

درې اړخیزه لوبلړۍ او د افغان ۱۹ کلنو وروستیو لوبو ته ځغلنده نظر

د افغانستان ۱۹ کلنه ملي لوبډله د زمبابوې په کوربتوب د یو ورځنۍ درې اړخیزې لوبلړۍ لپاره یاد هېواد ته ورسېده.

دغه لوبلړۍ چې د ۱۹ کلنو نړیوال جام ته د چمتووالي په موخه ترسره کیږي، په کې به د افغانستان، پاکستان او زمبابوې

۱۹ کلن د یو بل پر وړاندې د پایلوبې په ګډون اووه لوبې ترسره کړي.

لوبلړۍ نن د دېسمبر ۲۵مه د افغانستان او زمبابوې په لوبه پیلیږي.

تر دې وړاندې د افغانستان او پاکستان ۱۹ کلنو په آسیا جام کې ګډون درلود چې اتلولي یې هم پاکستان وګټله خو د افغان ۱۹ کلنو لپاره یې تجربه په زړه پورې نه وه.

ځکه افغان ځوانانو د ۱۹ کلنو آسیا جام کې دوه لوبې وبایللې، یوه یې وګټله خو سفر یې په ګروپي پړاو کې پای ته ورسېد.
په ټوله کې آسیا جام کې افغانستان متوازن خو له ستونزو ډک سفر درلود. که څه هم بشپړ بریا ته ونه رسېد، خو په بېلابېلو برخو کې یې وړتیاوې ښکاره کړې.

د افغانستان د لوبډلې تر ټولو قوي اړخ توپ وهنه وه. ځوانو توپ وهوونکو وښوده چې د لوړو منډو جوړولو وړتیا لري او کولی شي د فشار لاندې هم هدف ښه ځای ته ورسوي. په ځانګړې توګه، په ځینو لوبو کې انفرادي لوړو منډو د لوبډلې د توپ وهنې ځواک لا جوت کړ.

په مقابل کې توپ اچونه یو څه نابرابره وه. که څه هم افغان توپ اچوونکو په ځینو پړاوونو کې مهمې وېکټې واخیستلې، خو په پوره ۵۰ اورونو کې پر مقابلې لوبډلې د فشار ساتلو کې پاتې راغلل. همدا کمزوري د پیاوړو سیالانو پر وړاندې د ماتې لامل شوه.

Afghanistan players celebrates the wicket of Sethmika Seneviratne (ACC Men’s U19 Asia Cup 2025)

په ټوله کې، د ۱۹ کلنو آسیا جام کې د افغانستان لوبډلې وښوده چې توپ وهنه یې د پرمختګ په لور روانه ده، خو توپ اچونه یې لا هم د جدي کار ته اړتیا کوي.

د یادونې وړ ده چې افغان ۱۹ کلنو له آسیا جام مخکې د بنګله دېش په کوربتوب د دغه هېواد له ۱۹ کلنې لوبډلې سره دوه اړخیزه او بیا په هند کې د دغه هېواد د ۱۹ کلنو له الف او ب لوبډلو سره درې اړخیزه لوبلړۍ ولوبوله چې په دواړو کې د افغان ځوانانو کارکردګي او پایله ښه وه.

په یادو لوبلړیو کې افغان ځوانانو د مقابلو لوبډلو پر وړاندې په توپ وهنه او توپ اچوونه کې پر فشار ښه کنټرول درلود، په دواړو برخو کې ښه وځلېدل او په لوی توپیر یې بریاوې او په کم توپیر یې ماتې لرلې.

by Amina Azizi

په ۲۰۲۵ کال کې د افغانستان کورنۍ سیالۍ

په ۲۰۲۵ کال کې د کورنیو سیالیو له اړخه په افغانستان دننه هم ګرم کال و چې فرسټ کلاس، واخان جام، لېسټ اې، شپږیزه، ګرېډ ون او ګرېډ ټو سیالۍ د یادونې وړ دي.

لومړی د احمد شاه ابدالي فرسټ کلاس لوبې له می میاشتې تر جون پورې د ننګرهار په کوربتوب د څلورو لوبډلو ترمنځ ترسره شوې چې میوند اتلانو یې د اتم پړاو سیالیو اتلولي وګټله.

په ټوله کې د فرسټ کلاس د پای لوبې په ګډون ټولې ۱۳ لوبې ترسره شوې چې څه باندې یوه میاشت یې دوام وکړ.
شپږ لوبې بې پایلې شوې او پاتې شپږو کې درې د ماهیپر ستورو او یوه– یوه لوبه میوند اتلانو، پامیر لېجنډز او هندوکش سټرایکرز وګټله.

په دې سیالیو کې د توپ وهوونکو له ډلې تر ټولو ډېرې منډې شاهدالله کمال جوړې کړي چې د شپږو لوبو په لسو پاڼیو کې یې د دوه سلیزوپر مټ ۵۴۱ منډې وکړې.

ورپسې په ترتیب سره په دویم مقام حشمت الله شهیدي د څلورو لوبو په لسو پاڼیو کې د درې سلیزو پر مټ ۴۹۵ او په درېیم مقام رحمن الله ځدراڼ د شپږو لوبو په لسو پاڼیو کې ۴۷۶ منډې جوړې کړې.

سږکال په فرسټ کلاس لوبو کې د یوې پاڼۍ تر ټولو لوړې انفرادي منډې حشمت الله شهیدي جوړې کړې چې ۲۰۵ منډې یې وکړې.

په همدې حال کې د توپ اچوونکو له ډلې د فرسټ کلاس په سږنیو لوبو کې شرف الدین اشرف تر ټولو ډېرې وېکټې واخیستې چې د شپږ لوبو په دولس پاڼیو کې یې ۳۶ لوبغاړي سوځولي دي.

ورپسې په دویم مقام یمین احمدزي د شپږو لوبو په دولس پاڼیو کې ۲۶ وېکټې او په درېیم مقام ضیاء الرحمن اکبر د پنځو لوبو په نهو پاڼیو کې ۲۵ وېکټې ترلاسه کړې دي.

د یوې پاڼۍ تر ټولو غوره توپ اچوونه بشیر احمد افغان کړې چې د ۴۹ منډو په ورکولو یې ۶ لوبغاړي سوځولي.

په ورته وخت، فرسټ کلاس لوبو پسې په جون میاشت کې د کندز ولایت په کوربتوب د واخان شل اوریزې سیالۍ ترسره شوې او د هندوکش لوبډلې په اتلولۍ پای ته ورسیدې.

هندوکش سټرایکرز، ماهیپر ستوري، میوند اتلان او پامیر لېجېنډز د سږ کال ملي شل اوریز لیګ ګډون کوونکې لوبډلې وې.

پایلوبې ته پامیر لېجېنډز او د ماهیپر ستورو لوبډلې وتلې وې.
چې په پایله کې یې هندوکش سټرایکرز وکولی شول د یوې وېکټې په توپیر پامیر لوبډلې ته ماته ورکړي او د شل اوریز جام اتلولي خپله کړي.

په دې ټورنمنټ کې تر ټولو ډېرې منډې ذبید اکبري جوړې کړې چې د هندوکش سټرایکرز لپاره یې ۱۶۷ منډې ترسره کړې او مخکښ ویکټ اخیستونکي یما عرب وو چې د خپلې لوبډل لپاره یې ۱۱ لوبغاړي وسوځول.

د یادونې وړ ده چې واخان شل اووریزې سیالۍ تېرکال د قوشتېپې سیالیو په نوم ترسره شوې وې.

by Amina Azizi

د ۲۰۲۵ کال د پېښو لړۍ؛ چمپینز ټرافي او مهم اړخونه

په ۲۰۲۵ کال کې په ټوله کې د کرېکټ د مینه والو لپاره د بېلابېلو جالبو پېښو له کبله ډېر ځانګړی وو او د همدغو پرمختګونو له مخې کرېکټ لا ډېر پراخ شو او وغوړېد.

په دې کال کې د کرېکټ چمپینز ټرافۍ سیالۍ له اوږدې مودې اته کلونو وروسته بېرته ترسره شوې، چې د کرېکټ مینه‌والو ته یې ځانګړې ارزښت درلود.
په دې سیالیو کې د نړۍ یوازې اته غوره لوبډلو ګډون کړی و، چې له امله یې هره لوبه د پایلوبې په کچه مهمه بلل کېده.

په دې ټورنمنټ کې د ځینو سیالیو ځایونه د سیاسي او امنیتي شرایطو له امله بدل شول، چې دا خپله د چمپینز ټرافۍ یو له مهمو بحثونو څخه و. خو سره له دې هم سیالۍ په منظم ډول ترسره شوې او د نندارچیانو پام یې ځانته راواړاوه.

چمپینز ټرافۍ د ځوانو لوبغاړو لپاره د ځان ښودلو ښه فرصت هم و. یو شمېر نويو لوبغاړو د سترو لوبډلو پر وړاندې په زړه پورې لوبې وکړې او نړیوال کرېکټ ته یې د خپل راتګ اعلان وکړ. لکه د افغان لوبډلې پیلیز توپ وهوونکي صدیق الله اتل چې د اسټرالیا پر وړاندې په زړه پورې توپ وهنه وکړه.
همدارنګه ځینې مشهور او تجربه‌لرونکي لوبغاړي بیا د تمې خلاف د فشار لاندې پاتې راغلل.

په ورته وخت د توپ اچوونکو او توپ وهوونکو ترمنځ توازن د دې ټورنمنټ بله ځانګړنه وه. په ډېرو لوبغالو کې داسې سیالۍ ولیدل شوې چې دواړه خواوې په کې اغېزناکې وې، چې دې کار لوبو ته لا زیات خوند ورکړ.

بل لور د دغو سیالیو جالب اړخ له کلونو وروسته د هندۍ لوبډلې اتلولي وه. د هند ملي لوبډلې له ۱۲ کالو وروسته د یو ورځنیو نړیوالو لوبو جام وګټلو.

هندۍ لوبډلې په چمپنتز ټرافۍ سیالیو کې هېڅ لوبه ونه بایلله او په پای لوبه کې یې هم مخکښې لوبډلې نیوزیلنډ ته په ماتې ورکولو سره دغه جام وګاټه.

په ټوله کې، د ۲۰۲۵ کال چمپینز ټرافۍ نه یوازې د لوړې سیالۍ شاهد و، بلکې د کرېکټ د نړیوال نظم، ځوان استعدادونو او د لوبې د بدلونونو څرګند انځور یې هم وړاندې کړ.

by Spogmai Gharanai

په لومړي ځل د افغانستان کوربتوب – د ځوانانو د آسیا جام تاریخي پړاو

نن د ډسېمبر دولسمه په متحده عربي اماراتو کې د ځوانانو اسیا جام سیالیو دولسم پړاو د افغانستان په کوربتوب پیل شو .

دا سیالۍ د آسیا کرېکټ شورا (ACC) له لوري د یوورځنیو (ODI) سیالیو په بڼه په لار اچول کیږي چې په لومړي ځل افغانستان د دې سیالیو کوربتوب کوي او ټولې لوبې د امارتو په دوبۍ کې ترسره کیږي.

یادې سیالۍ  د اتو آسیایي هیوادونو د کرېکټ لوبډلو ترمنځ ترسره کیږي . هند تر ټولو ډېر ۸ ځلې د دې سیالیو اتلولي ګټلې ده. په داسې حال کې چې افغانستان په ۲۰۱۷م کال کې د چټک توپ اچوونکي نوین الحق په لوبډلمشرۍ پاکستان ته په ماتې ورکولو د ځوانانو آسیا جام سیالیو اتلولي ګټلې وه. مجیب الرحمن د ۲۰ وېکټو په اخیستو د ټورنمنټ غوره لوبغاړی ټاکل شوی وو.

د افغانستان په ګډون په سږني ځوانانو آسیا جام سیالیو کې هند، پاکستان، بنګلدېش، سریلانکا، نیپال، مالیزیا او اماراتو هیوادونه لوبیږي چې پکې لوبډلې په دوه ګروپونو ویشل شوي دي.

بنګله دېش د تېر اسیا جام سیالیو اتله لوبډله ده، چې د ۲۰۲۴ کال د ځوانانو آسیا جام په پای لوبه کې یې هند ته د ۵۹ منډو په توپیر ماتې ورکولو خپله دوهمه اتلولي وګټله.

ټاکل شوې په دې ټورنمنټ کې افغانستان خپله لومړۍ لوبه د ډسېمبر په ۱۳مه د بنګلدېش په وړاندې ترسره کړي.

په لومړي ځل د افغانستان په کوربتوب د ځوانانو آسیا جام سیالۍ ترسره کېدل ،د کرېکټ بورډ لویه لاسته راوړنه ده چې د افغانستان د کرېکټ د پرمختګ او د نړیوالو د باور ترلاسه کولو کې مهم رول لوبولی شي. دغه فرصت به د نوي نسل لپاره د پرمختګ دروازې پرانیزي او افغانستان ته به د کرېکټ په ډګر کې لا لوړ مقام ور وبخښي.

په آسیا جام کې ټولې ترسره کېدونکې ۱۵ لوبې به د ډیسیمبر تر ۲۱مې نېټې دوام وکړي .

by Spogmai Gharanai

د شل اوریز نړیوال لیګ څلورم پړاو

اماراتو کې د ترسره کېدونکي شل اوریز نړیوال لیګ څلورم پړاو سبا د ډیسمبر په دویمه نېټه پیل او د ۲۰۲۶ کال جنورۍ تر څلومرې نېټې به دوام وکړي. 

یاد لیګ د ۲۰۲۳ کال راپدېخوا د شپږو لوبډلو په ګډون د کرېکټ د نړۍ د نوموتو او تکړه لوبغاړو په شتون اماراتو کې په لار اچول کیږي. 

سږ کال نړیوال شل اوریز لیګ هم د شپږو لوبډلو ( ابوظبي نایټ رایډرز، ګلف جاینټ، ډیزرټ وایپرز، دوبۍ کپیټلز، ایم آی امارات او شارجه وارییرز ) په لوبېدو د اماراتو په درې لویو لوبغالو ( دوبۍ، شارجه او شېخ زاید ) کې ترسره کیږي.

ټاکل شوې د نورو کلونو په څېر سږ کال هم یو شمیر افغان لوبغاړي په دې لیګ کې د بیلابیلو  لوبډلو په ګټه ولوبیږي.

محمد نبي، صدیق الله اتل او ګلبدین نایب د دوبۍ کپیټلز لپاره

نور احمد د ډیزیرټ وایپرز لپاره، عظمت الله عمرزی او رحمن الله ګربز د ګلف جاینټ لوبډلې سره

نوین الحق، فضل الحق فاروقی او الله محمد غضنفر به د ایم آی امارات لوبډلې لپاره ولوبیږي.

نړیوال شل اوریز لیګ کې اخیستل شوي ټول افغان لوبغاړي اماراتو ته رسیدلي .

د لیګ لومړۍ لوبه د دوبۍ کپیټلز او ډیزرټ وایپرز ترمنځ په دوبۍ نړیوال لوبغالي کې ترسره کیږي.

دوبۍ کپیټلز د تېر پړاو اتله لوبډله ده چې د سام کورن په لوبډلمشرۍ یې ډیزرټ وایپرز لوبډلې ته یې د څلورو وېکټو په توپیر ماته ورکړه.

چټک توپ اچوونکی فضل الحق فاروقي د تیر پړاو مخکښ وېکټ اخیستونکی وو.

by Spogmai Gharanai

د راتلونکي کال هند غوره لیګ لپاره د لوبغاړو د ساتلو پای  

د ۲۰۲۶م کال هند غوره لیګ یا آی پي اېل لپاره د ټولو لوبډلو له لوري د ساتل شویو لوبغاړو نوملړ په ډاګه شو.

د هند تجارتي لیګ ۱۹م پړاو سیالۍ ټاکل شوې د راتلونکي ۲۰۲۶ کال مارچ میاشت کې پیل شي. 

یاد لیګ کې له کلونو راهیسې د نورو بهرنیو لوبغاړو سربېره یو شمیر افغان لوبغاړي هم لوبیږي.

تېر کال د راشد خان او رحمن الله ګربز په ګډون نور احمد، عظمت الله عمرزی، مجیب الرحمن، صدیق اتل، الله محمد غضنفر او کریم جنت د بیلابیلو لوبډلو برخه وو.

د ۲۰۲۶ کال سیالیو لپاره د راشد خان سربېره نور احمد ، الله محمد غضنفر او عظمت الله عمرزی د خپلو لوبډلو له لوري وساتل شول، په داسې حال چې د ګربز په ګډون پاتې نور افغان لوبغاړي د خپلو لوبډلو لخوا ونه ساتل شول.

تېر کال په ۱۸م پړاو هند غوره لیګ سیالیو کې تر نورو افغان لوبغاړو نوراحمد خورا ښه وځلېد او د خپلې لوبډلې چینای سوپرکېنګ لپاره یې د لوبو په بریا کې مهمه ونډه لرله. نوموړي په اتو لوبو کې د 7,67 په ایکانومۍ  12 لوبغاړي سوځولي وو.

د نورو کلونو په پرتله د ۲۰۲۵ کال آی پي اېل سیالۍ د ستوري لوبغاړي راشد خان لپاره ترټولو سخت پړاو وو نوموړی د مینه والو د تمې خلاف ښه ونه لوبېده . راشد خان د تیر پړاو په 8 لوبو کې، په هر اوور کې شاوخوا د 10 منډو په ورکولو یواځې د درې لوبغاړو په سوځېدو توانېدلی وو، چې دا د آی پي اېل په تاریخ کې د خان تر ټولو خرابه لوبېدنه وه.

د افغان لوبغاړو سربېره انډري رسل، محمد شامي، ډي کاک، جډېجا، ډېون کانوې، سام کورن، رچېن روېندرا او یو شمیر نور تکړه بهرني لوبغاړي هم د خپلو لوبډلو له لوري ونه ساتل شول. 

د تېر کال اتلې لوبډلې بنګلور هم د لیام لیوېنګسټن او مایانک اګروال سربېره یو شمیر لوبغاړي خوشې کړل.

د راتلونکي ۲۰۲۶ کال هند غوره لیګ لپاره به کلکته نایټ رایډرز لوبډله تر ټولو ډیر  ۶۴،۳ کروړ او ممبی انډینز لوبډله به د ۲،۷۵ کروړو سره د لوبغاړو په بولۍ کې ګډون وکړي.