ګیانا امازون واریرز لوبډلې د ګلوبل سوپر لیګ اتلولي وګټله.

د ګلوبل سوپر لیګ سیالۍ چې د جولای میاشتې په ۱۰مه نېټه د نړۍ پنځو لیګونو د اتلو لوبډلو ترمنځ پیل شوې وې، د روانې میاشتې په۱۸مه نېټه د ګیانا امازون واریرز لوبډلې په اتلولۍ پای ته ورسېدې.

پایلوبې ته د ابراهیم ځدارن لوبډلې رنګپور رایډرز او د رحمن الله ګربز اړوند لوبډلې ګیانا امازون واریرز لوبډلو لار موندلې وه.

د لوبې پچه ګیانا لوبډلې وګټله او د توپوهنې پرېکړه یې وکړه.

د ګیانا لوبډلې توپوهونکو ښکلې لوبه وکړه رحمن الله ګربز په ۳۸ توپونو ۶۶ منډې، جانسن چارلس په ۴۸ توپونو ۶۷ منډې او روماریوشېپرډ ۲۸ ناسوځېدلې منډې ترسره کړې . په ځواب کې د رنګپور رایډرز لوبډلې د افتخار احمد ۴۶ او سیف حسن ۴۱ منډو پر مټ یواځې۱۶۴ منډې ترسره کړې او لوبه یې د ۳۲ منډو په توپیر وبایلله.

رنګپور رایډرز چې د تېر سیزن اتله لوبډله وه ویې نشو کولی د خپلې اتلولۍ څخه دفاع وکړي.

د پایلوبې غوره لوبغاړی رحمن الله ګربز وټاکل شو چې په ۳۸ توپونو یې د څلورو شپږیزو او ۶ څلوریزو په مټ چټکې ۶۶ منډې ترسره کړېوې، په داسې حال کې چې عمران طاهر د ۱۴ وېکټو په اخیستو د ګلوبل سوپر لیګ غوره لوبغاړی ونومول شو.

لدې سره سره رحمن الله ګربز د ۱۳۹ منډو په جوړولو د یاد لیګ مخکښ منډې جوړونکې لوبغاړی وو.

د یاد لیګ په ترسره شوي دویم پړاو کې شپږ افغان لوبغاړو هر یوه رحمن الله ګربز، صدیق الله اتل، ابراهیم ځدران، ګلبدین نایب، محمدنبی او ابراهیم مسعود اخیستل شوي وو.

د افسانوي لوبغاړو د اتلولۍ نړیوالو سیالیو په لړ کې چې د  روانې جولای میاشتې په ۱۸مه پیل شوي، د شېکر دهوان په ګډون هندي لوبغاړو له پاکستان سره له لوبې کولو مطلق انکار وکړ.

د دواړو لوبډلو ترمنځ لوبه چې ټاکل شوې وه نن ترسره شي له ترسره کېدو وړاندې د هندي لوبغاړو په غوښتنه لغوه شوه.

د لوبې د لغوه کېدو لامل له پاکستان سره د هند جیوپولېټک وضعیت، سیاسي کړکېچ او ناسمې اړیکي ښودل شوي په ځانګړې توګه پهوروستیو کې د هند تر ولکې لاندې د کشمیر په پلګهام کې پر سیلانیانو له ترهګریز برید وروسته چې د دواړو هېوادونو د سیاسي اړیکوسربېره یې ورزشي اړیکې هم ترینګلې کړې، هندي لوبغاړو پرېکړه وکړه چې نور له پاکستان سره لوبې نه کوي.

په می میاشت کې په وتساپ د شېکر دهوان له بحث او خبرو وروسته د افسانوي لوبغاړو د اتلولۍ نړیوالو سیالیو تنظیموونکو د ایمیل لهلارې په روانو سیالیو کې له پاکستان سره د هند د نه لوبېدو خبره وکړه.

نورو هندي لوبغاړو لکه هربجن سېنګ، یوسف پټان، عرفان پټان او سورېش رېنا هم له دې پرېکړې ملاتړ کړی.

په همدې حال کې د یادو سیالیو تنظیموونکو هم د هندي مینه والو احساساتو ته په درناوي د هند او پاکستان لوبه لغوه کړې او بخښنه یېغوښتې ده.

د افسانوي لوبغاړو د اتلولۍ نړیوالو سیالیو یا World champions of legends کې د شپږو هېوادونو هند، پاکستان، اسټرالیا،سویلي افریقا، انګلېنډ او وېسټ انډیز افسانوي لوبغاړي د خپلو هېوادونو په استازیتوب لوبیږي.

تراوسه یې دوه لوبې ترسره شوي د انګلېنډ او پاکستان ترمنځ چې پاکستان ګټلې او د وېسټ انډیز او سویلي افریقا ترمنځ چې مساويپای ته رسېدلې ده.

آسټرالیا د وېسټ انډیز په وړاندې ټېسټ لوبلړۍ کې ۳ : ۰ بریا خپله کړه او ویې کولی شول چې د فرانک ووریل جام سیریز په خپل نومکړي .

د دواړو هېوادونو ترمنځ د درې ټېسټ لوبو، لوبلړۍ چې د جون میاشتې په ۲۵مه نېټه پیل شوې وه د جولای په ۱۴مه نېټه د آسټرالیا په ګټهپای ته ورسېده.په یادې لوبلړۍ کې آسټرالیوي توپ اچوونکو غوره کارکردګي وښوده او وتوانېدل د وېسټ انډیز توپ وهونکي له ستونزوسره مخ کړي.

آسټرالیا لوبډلې لومړۍ ټېسټ لوبه د ۱۵۹ منډو په توپیر، دوهمه لوبه ۱۳۳ منډو او وروستۍ لوبه یې په ۱۷۶ منډو وګټله.

دا لوبلړۍ د ۲۰۲۵–۲۰۲۷ کال نړېوال ټېسټ چمپینشېپ سیالیو په چوکاټ کې ترسره شوې، چې پکې د آسټرالیا چټک توپ اچوونکيمېچل سټارک د خپل لوبیز ژوند ۱۰۰مه ټېسټ لوبه ترسره کړه او په ټوله کې یې ۱۵ لوبغاړي چې په وروستۍ لوبه کې یې د غوره توپاچوونې په مټ وکولی شول یواځې د ۹ منډو په ورکولو ۶ لوبغاړي وسوځوي. همدارنګه ټراوېس هېډ د ۲۲۴ منډو په ترسره کولو د سیریزمخکښ منډې جوړوونکی لوبغاړی شو .

یادې لوبلړۍ کې وېسټ انډیز لوبډلې د درېمې لوبې په وروستۍ پاڼۍ کې په ۲۷ منډو د ټولو لوبغاړو د سوځېدو وروسته د ټېسټ کرېکټ پهتاریخ کې د کمو منډو جوړولو لوبډلو کې دویم ځای خپل کړ. تر دې وړاندې په ۱۹۵۵ کال کې نیوزیلنډ لوبډلې د انګلنډ په وړاندې د ټولولوبغاړو په سوځېدو یواځې ۲۶ منډې ترسره کړې وې. په ورته وخت کې افغانستان لومړنۍ لوبډله ده چې په ټېسټ لوبو کې یې  کمې منډېله سلو پورته دي .

د آسټرلیوۍ لوبډلې وکړای شول له دریوو بریاوو وروسته د WTC جدول کې لومړی ځای خپل کړي .

ټاکل شوې د دواړو لوبډلو ترمنځ د شل اوریزو لوبو لړۍ د روانې جولای میاشتې په ۲۱مه نېټه پیل شي.

هندوکش سټرایکرز لوبډلې د اېکس بول واخان ملي شل اوریز جام اتلولي وګټله.

دا کورنۍ شل اوریزې سیالۍ د جون  په ۲۸مه کندز ولایت کې پیل او د جولای په اوومه نېټه د هندوکش لوبډلې په اتلولۍ پایته ورسیدې.

هندوکش سټرایکرز، ماهیپر ستوري، میوند اتلان او پامیر لېجېنډز د سږ کال ملي شل اوریز لیګ ګډون کوونکې لوبډلې وې.

پایلوبې ته پامیر لېجېنډز او د ماهیپر ستورو لوبډلې وتلې وې.

د لوبې پچه پامیر لېجېنډز لوبډلې لوبډلمشر ننګیال خروټي وګټله او د لومړي توپوهنې پرېکړه یې وکړه او مقابلې لوبډلې ته یې د ۹۸ منډوهدف وټاکه. په توپ وهنه کې نورالرحمن ۳۱ او ننګیال خروټي ۲۳ تر ټولو ډیرې منډې ترسره کړې. بلخوا په توپ اچونه کې د هندوکش لپارهطارق ستانګزي، عبدالله ترخیل او دولت ځدران هر یوه دوه دوه لوبغاړي وسوځول. په پایله کې هندوکش سټرایکرز وکولی شول د یوې پهزړه پورې لوبې وروسته د یوې وېکټې په توپیر پامیر لوبډلې ته ماته ورکړي او د روان شل اوریز جام اتلولي خپله کړي.

د هندوکش لوبډلې لپاره زبید اکبري تر نورو ډیرې ۲۶ منډې ترسره کړی .

په دې ټورنمنټ کې تر ټولو مخکښ منډې جوړوونکی ذبید اکبري وو چې د هندوکش سټرایکرز لپاره یې ۱۶۷ منډې ترسره کړې. او تر ټولومخکښ ویکټ اخیستونکي یما عرب وو چې د خپلې لوبډل لپاره یې ۱۱ لوبغاړي وسوځول. د پای لوبې غوره لوبغاړی دولت ځدران وټاکلشو چې د څلور منډو په ورکولو یې دوه لوبغاړي وسوځول.

او د جام غوره لوبغاړی فرمان الله صافی وټاکل شو.

یاد شل اوریز جام هېواد کې د کرېکټ په وده او د ځوانو استعدادونو په پیدا کېدو کې مهم رول لوبولی دی.

د متحده عربي اماراتو نړيوال ليګ راتلونکې پړاو کې د پير له مراسمو وړاندې کومو افغان لوبغاړو سره تړونونه وشو؟

د متحده عربي اماراتو نړيوال ليګ څلورم پړاو د لوبغاړو د پير مراسم دا ځل د نورو کلونو په نسبت يو څه مختلف ترسره کيږي او په لومړيځل به پکې لوبغاړي د ډرافټ له لاري نه، بلکې د بولۍ له لارې د لوبډلو له لوري واخيستل شي.

خو د بولۍ له مراسمو وړاندې د افغان لوبغاړو په ګډون ګڼ شمېر لوبغاړو له بيلابيلو لوبډلو سره د لوبيدو تړونونه کړي دي.

په راتلونکې څلورم پړاو متحده عربي اماراتو شل اوریز ليګ کې چې شپږ لوبډلې يې ګډونولې دي، له دريو لوبډلو سره پکې شپږ افغانلوبغاړو له بولۍ وړاندې د لوبيدو تړون کړی.

له مای امارات لوبډلې سره فضل الحق فاروقي او الله محمد غضنفر، د دوبۍ کپيټلز لوبډلې سره ګلبدين نايب او وقار سلامخيل، د ګلفجاينټز لوبډلې سره عظمت الله عمرزي او رحمن الله ګربز د لوبيدو تړون کړی دی.

د يادولو وړ ده چې د متحده عربي اماراتو شل اوریز ليګ به د روان ۲۰۲۵م کال په ډيسمبر مياشت کې پيل او د ۲۰۲۶م کال د جنوريمياشتې تر څلورمې نيټې پورې به دوام وکړي.

د افغانستان کرېکټ  بورډ د خبر په اساس ټاکل شوې د شپږیزې کرېکټ لیګ لسم پړاو لوبې د روان کال جولای میاشتې په نولسمه نېټه کابل کې پیل شي. ددې لیګ لومړی پړاو په ۲۰۱۳ کال کې د افغانستان کرېکټ بورډ لخوا په لار اچول شوې وو.

بند امیر ښاماران، سپین غر زمریان، آمو نهنګان، بوست ساتونکي او مس عینک اتلان هغه پنځه لوبډلې دي چې په دې لیګ کې لوبیږي.

سپین غر لوبډلې تر نورو لوبډلو ډیر درې ځله د شپږیزې شل اوریز کرېکټ لیګ اتلولي ګټلې ده، په ورته وخت کې مس عینک او کابل بازانودوه دوه ځلې او د بند امیر او آمو لوبډلو یو یو ځل د لیګ اتلولي خپله کړې ده.

د تېر کال نهم پړاو شپږیزې لیګ چې د آګسټ په میاشت کې د ملی ټیم ځلانده او ستورو لوبغاړو په شتون کابل کې پیل شوې وو، پهلومړي ځل د آمو لوبډلې وکولی شول چې د عظمت الله عمرزي په لوبډلمشرۍ ددې لیګ اتلولي خپله کړي.

پایلوبې ته د بند امیر ښامارانو او آمو شارک لوبډلې لار موندلې وه، بندامیر لوبډلې د پچې په ګټلو سره د توپ اچونې پرېکړه وکړه او آمولوبډلې ته یې د ۱۷۸ منډو هدف وټاکه.

آمو لوبډلې د زبید اکبري د ښکلې توپ وهنې په مټ وکولی شول په ۱۹ اوور کې یاد هدفه پوره او بند امیر لوبډلې ته د ۷ وېکټو په توپیرماته ورکړي.

د ۲۰۲۴ مال نهم پړاو شپږیزې لیګ مخکښ منډې جوړوونکې د بندامیر لوبډلې تکړه توپوهونکې صدیق الله اتل وټاکل شو چې ۴۲۳ منډېیې د خپلې لړبډلې په ګته ترسره کړې وې، او الله محمد غضنفر د ۱۸ لوبغاړو په سوځولو د یاد لیګ مخکښ وېکټ اخیستونکی وو.

دې لیګ، افغانستان کې د کورني کرېکټ په وده، د ځوانو استعدادونو په پېژندلو او د ملي لوبډلې د تکړه لوبغاړو سره د ځوانانو لوبېدنه اوله تجربو څخه یې د ګټې اخیستنې په برخه کې مهم رول لوبولی.

ګلوبل سوپر ليګ ته غوره شوې افغان لوبغاړي له کومو لوبډلو سره مل دي؟ دغه څه ډول يو ليګ دی؟ او څه وخت پيليږي؟

د ويسټ انډيز په ګيانا ټاپو کې د ويسټ انډيز کرکټ بورډ له لوري د بيلابيلو هيوادونو د تجارتي لیګونو د مخکښو لوبډلو ترمنځ د ګلوبلسوپر ليګ تر نامه لاندې يو ليګ ترسره کيږي، چې سږکال يې په دوهم پړاو کې شپږ افغان لوبغاړي هم لوبيږي.

سږکال هم په دغه ليګ کې د پنځه هيوادونو د تجارتي لیګونو څخه پنځه لوبډلې ګډون لري، چې د ويسټ انډيز له کربين ليګ څخه ګياناامازون، د متحده عربي اماراتو له نړيوال ليګ څخه دوبۍ کپيټلز، د اسټراليا له بيګ باش ليګ څخه هوبارټ هريکينز، د نيوزيلينډ د سوپرسمش ليګ څخه د سنټرل سټيج لوبډله او د بنګله دېش بي پي ایل ليګ څخه رانګاپور رايډرز لوبډله ګډون لري

په دوهم پړاو ګلوبل سوپر ليګ کې شپږ افغان لوبغاړي هم‌ د بيلابيلو لوبډلو سره لوبيږي، چې له منځه يې درې ګلبدين نايب، صديق اتل او ابراهيم مسعود له دوبۍ کپيټلز لوبډلې سره، محمد نبي له هوبارټ هريکينز، رحمن الله ګربز له ګاينا امازون او ابراهيم ځدران د رانګاپور رايډرز لوبډلې سره د لوبيدو تړون کړی.

د يادولو ده چې د لومړي پړاو ګلوبل سوپر ليګ اتلولي تيرکال د بنګله دېش پريميرليګ اړوند رانګاپور رايډرز لوبډلې خپله کړې وه، چې دوهم پړاو به يې د راتلونکې جولايي مياشتې په ۱۰مه نيټه پيل او د همدغه مياشتې تر ۱۸مې نيټې پورې به دوام وکړي.

په دویمه پاڼۍ کې د بېن ډکېټ په زړه پورې کارکردګۍ له امله انګلنډۍ لوبډله وتوانېده هند ته په لومړۍ ټېسټ لوبه کې ماته ورکړي.

د نړیوالو ټېسټ لوبو د اتلولۍ سیالیو په درشل کې د هند او انګلستان ترمنځ د پنځو ټېسټ لوبو د سیریز لومړۍ لوبه چې د جون په ۲۰مهنېټه د اېنګلنډ په لېډز کې پیل شوې وه د اېنګلنډ په بریا پای ته ورسېده.

د لوبې پچه اېنګلنډ لوبډلې لوبډلمشر بېن سټوکس وګټله او د توپ اچونې پرېکړه یې وکړه.

هند وکولی شول په لومړۍ پاڼۍ کې د لوبډلمشر ګېل ۱۴۷، جېسوال ۱۰۱ او ریشب پنټ ۱۳۴ منډو په مټ مقابلې لوبډلې ته د ۴۷۱ منډوستر هدف وټاکي.

د هدف پوره کولو لپاره اېنګلنډ لوبډلې ښه پیل وانخیست او په څلورو منډو یې لومړۍ وېکټه له لاسه ورکړه.

د اېنګلنډ ټوله لوبډله په ۴۶۵ منډو وسوځېده، بېن ډکېټ ۶۶، اولي پاپ ۱۰۶، هري بروک ۹۹ او سمېت د ۴۰ منډو په ترسره کولو بریاليشول.

په دویمه پاڼۍ کې هندۍ لوبډلې د کې اېل راهول ۱۳۷ او ریشب پنټ ۱۱۸ منډو په مټ ۳۶۴ منډې هدف وټاکه.

اېنګلنډ لوبډلې د بېن ډکېټ ۱۴۹ په زړه پورې منډو په مټ وکولی شول یاد هدف په ۸۲ اورونو کې پوره او هندۍ لوبډله له ماتې سره مخکړي. له ډکېټ سره د سمېت، کراولي او جو روټ توپوهنې هم په بریا کې مهمه ونډه لرله.

په توپ اچونه کې  بومرا په لومړۍ پاڼۍ کې ښه وځلېده، ۵ لوبغاړي یې وسوځول او پراسید کرېشنا ۳ وېکټې د هند لپاره واخیستې.

د اېنګلنډ لپاره لومړۍ پاڼې کې سټوکس او ټانګ هر یوه څلور څلور لوبغاړی وسوځول.

د توپ اچونې په دویمې پاڼۍ کې ټانګ او کارس درې درې او بشیر دوه لوبغاړي وسوځول. خو هند لوبډلې د دوېمې پاڼې په توپ اچونهکې ښه پیل وانخیست، د کراولي او بېن ډکېټ ترمنځ د لومړۍ وېکټې په زړه پورې ملګرتیا ترسره شوه.

هندۍ لوبډله په ډګر ساتنه کې کمزورې برېښېده او ښایي د ماتې مهم لامل یې هم د ډیرو کېچونو ډراپ کول او د لوبډلمشر له خوا د توپاچوونکو ناسم استعمال وي.

اېنګلنډ خپله لومړۍ وېکټه په ۱۸۸ منډو له لاسه ورکړه، او په ټوله کې هند د اېنګلڼد لوبډلې یواځې پنځه لوبغاړي وسوځول او پدې سرهاېنګلنډ وکولی شول د انډرسن_ټنډولکر ټرافۍ کې ۱ – ۰ مخکې شي.

د هند دا ماته د ګېل لپاره د لوبډلمشرۍ ښه پیل نه وو سره له دې چې په لومړۍ پاڼۍ کې یې ښکلې توپ وهنه ترسره کړه خو بیا یې همونشو کولې خپله لوبډله بریا ته ورسوي.

دا لومړی ځل دی چې یوه لوبډله په لوبه کې د پنځو لوبغاړو د سلیزې سره سره لوبه بایلي.

دویم پړاو ملي شل اوریزه جام راتلونکې اوونۍ کې پيليږي.

لومړي پړاو کې په کې کومې لوبډلې اتلولي خپله کړې وه؟ همدا راز د لومړي پړاو په پرتله په دویم پړاو کې ولې د لوبډلو شمير کم شوی؟

کرکټ بورډ يې د کومې موخې لپاره کوي؟ او نور کوم بدلونونه په کې راغلي؟

په دې په دغه ځانګړي مطلب کې مو روښانه کړې!

د افغانستان کرکټ بورډ په پام کې لري چې راتلونکې اوونۍ په کندز ولايت کې د“ملي شل اوریز جام” دویم پړاو سيالۍ پيل کړي، چې دلومړي پړاو په پرتله په کې ګڼ شمېر بدلونونه راغلي دي.

تېر ۲۰۲۴ز کال د دغه ايوينټ لومړی پړاو وو، چې د پنځه لوبډلو ترمنځ د “قوشتيپې شل اوریز جام” تر نامه لاندې په کابل لوبغالي کېترسره

شو، خو دا ځل ورته د “واخان شل اوریز جام” نوم ورکول شوی، د لوبډلو شمير يې هم له پنځو څلورو ته راښکته شوی او هم ورته نوينومونه غوره شوي.

لومړی پړاو سیالۍ د پنځه زونونو سپين غر، بست، بند امیر، مس عینک او آمو لوبډلو په ګډون ترسره شوې وې، چې په کې د حشمتشهیدي په لوبډلمشرۍ بند امیر اتلولي خپله کړې وه.

خو په دویم پړاو کې بيا د نويو نومونو او لوبډلمشرانو سره څلور لوبډلې ګډون لري، چې د نجيب ځدران په لوبډلمشرۍ ميوند اتلان، دحضرت ځاځي په لوبډلمشرۍ ماهيپر ستوري، د اسحاق رحيمي په لوبډلمشرۍ د هندوکش سټرايکرز او د ننګيال خروټي په لوبډلمشرۍ دپامير لېجنډز لوبډلې به د يو د بل پر وړاندې ولوبيږي.

د افغانستان کرکټ بورډ ويلي له دغه سياليو يې موخه د ځينو باتجربه لوبغاړو سره د ځوانو لوبغاړو لوبيدل دي، څو ورڅخه تجربې ترلاسهکړي، چې د غوره کارکردګۍ لرونکي لوبغاړي به د افغانستان سترو کورنيو لوبو شپږيزه ليګ ته هم غوره شي.

په تير لومړي پړاو کې د غوره کارکردګۍ لرونکي لوبغاړي:

– د افغانستان ملي شل اوریز جام په لومړي پړاو کې مخکښ منډې جوړونکی ابراهيم ځدراڼ وو چې ۳۲۳ منډې یې جوړې کړې وي.

_ ځوان سپينر توپ اچونکی وحيد ځدراڼ په ۱۳ ويکټو اخيستو سره مخکښ ويکټ اخيستونکی وو.

– او ترټولو ډيرې ۱۹ شپږيزې صديق اتل وهلې وي.

د يادولو ده چې دویم پړاو “واخان ملي شل اوریز جام” به د روانې جون مياشتې په ۲۸مه نيټه په کندز کرکټ ملي لوبغالي کې پيل شي،چې د جولايي مياشتې تر ۷مې نيټې پورې به دوام وکړي.

میوند اتلانو د احمد ابدالي فرسټ کلاس اتم پړاو سترو کورنیو سیالیو اتلولي وګټله.

میوند اتلانو د پای لوبه په دویمه ورځ په یوه په زړه پورې پاڼۍ کې ماهیپر ستورو لوبډلې ته د نهه وېکټو په توپیر ماتې ورکړه.

اتلانو په دویمه ورځ د خپلې ځوابي توپ وهنې لومړۍ پاڼۍ د ۲۲۱ منډو په جوړولو پای ته ورسوله او له ماهیپر ستورو یې ۸۶ منډې مخکېوالی ترلاسه کړ.

ماهیپر ستورو د خپلې توپ وهنې په دویمه پاڼۍ کې د ټولو لوبغاړو په زیان ۹۷ منډې وکړې او یوازې ۱۱ منډې هدف یې جوړ کړ.

د میوند اتلانو د توپ اچوونکو له ډلې یمین احمدزي د توپ اچوونې په دویمه پاڼۍ کې څلور او بشیر احمد افغان درې لوبغاړي وسوځول.

په پای لوبه کې د میوند اتلانو لپاره بهیر شا محبوب په توپ وهنه کې ډېره لویه او مهمه کارکردګي وکړه چې ۹۱ منډې یې جوړې کړې او پهتوپ اچوونه کې بشیر احمد افغان په خپل جادویي توپ په دوه پاڼیو کې ټول ۸ لوبغاړي وسوځول خو مقابل کې یې د سیالې ماهیپرستورو لوبډلو لوبغاړو په خپله برخه کې داسې کومه په زړه پورې ځوابي کارکردګي ونه کړه.

په ټوله کې د فرسټ کلاس د پای لوبې په ګډون ټولې ۱۳ لوبې ترسره شوې چې څه باندې یوه میاشت یې دوام وکړ.

شپږ لوبې بې پایلې شوې او پاتې شپږو کې درې د ماهیپر ستورو او یوه– یوه لوبه میوند اتلانو، پامیر لېجنډز او هندوکش سټرایکرز وګټله.

په دې سیالیو کې د توپ وهوونکو له ډلې تر ټولو ډېرې منډې شاهدالله کمال جوړې کړي چې د شپږو لوبو په لسو پاڼیو کې یې د دوه سلیزوپر مټ ۵۴۱ منډې وکړې.

ورپسې په ترتیب سره په دویم مقام حشمت الله شهیدي د څلورو لوبو په لسو پاڼیو کې د درې سلیزو پر مټ ۴۹۵، په درېیم مقام رحمن اللهځدراڼ د شپږو لوبو په لسو پاڼیو کې ۴۷۶، څلورم افسر ځاځي د شپږو لوبو په دولسو پاڼیو کې ۴۷۴ او په پنځم مقام دروېش رسولي دپنځو لوبو په اتو پاڼیو کې ۴۴۱ منډې جوړې کړي دي.

سږکال په فرسټ کلاس لوبو کې حشمت الله شهیدي د یوې پاڼۍ تر ټولو ډېرې ۲۰۵ انفرادي منډې او افسر ځاځي ۲۰۲ لوړې انفراديمنډې کړې دي.

په همدې حال کې د توپ اچوونکو له ډلې د فرسټ کلاس په سږنیو لوبو کې شرف الدین اشرف تر ټولو ډېرې وېکټې واخیستې چې د شپږلوبو په دولس پاڼیو کې یې له ۲.۱۶ اقتصاد سره ۳۶ لوبغاړي سوځولي دي.

ورپسې په دویم مقام یمین احمدزي د شپږو لوبو په دولس پاڼیو کې له ۲.۸۲ اقتصاد سره ۲۶ وېکټې، په دویم مقام ضیاء الرحمن اکبر دپنځو لوبو په نهو پاڼیو کې له ۲.۳۶ اقتصاد سره ۲۵ وېکټې، په څلورم مقام بشیر احمد افغان د پنځو لوبو په لسو پاڼیو کې له ۳.۴۷اقتصاد سره ۲۵ وېکټې او په پنځم مقام خلیل ګربز د پنځو لوبو په نهو پاڼیو کې له ۴.۱۲ اقتصاد سره ۲۳ وېکټې ترلاسه کړې دي.

د یوې پاڼۍ تر ټولو غوره توپ اچوونه بشیر احمد افغان کړې چې د ۴۹ منډو په ورکولو یې ۶ لوبغاړي سوځولي همداراز ورپسې شرفالدین اشرف د ۶۰ منډو په ورکولو او د شپږو وېکټو په اخیستو سره د یوې پاڼۍ تر ټولو غوره توپ اچوونه ترسره کړې ده.