د هند او انګلستان ترمنځ در انډرسن_ټنډولکر ټرافي تر نامه لاندې د پنځو ټېسټ لوبو سیریز چې د جون میاشتې په شلمه نېټه پېل شوېوو نن د آګسټ په څلورمه نېټه د هند په بریا پای ته ورسیده. یادې سیالۍ  د ۲۰۲۵–۲۰۲۷ نړیوال ټېسټ چمپینشېپ په چوکاټ کې داېنګلنډ په پنځو مختلفو لوبغالو (Headingley ، Edgbaston ، Lord’s ، Old Trafford ،The Oval ) ترسره شوې.

د لوبلړۍ لومړۍ لوبه چې د جون په شلمه نېټه پیل شوې وه د اېنګلنډ لوبډلې د پنځو وېکټو په توپېر ګټلې وه.

دوهمه لوبه هند د ۳۳۶ منډو په توپیر وګټله. په درېمه لوبه کې اېنګلنډ بیا وکولی شول د ۲۲ منډو په توپیر هند ته ماته ورکړي. څلورمه لوبهبې پایلې اعلان شوه ، په پنځمه او وروستې لوبه کې هند د یوې په زړه پورې لوبې وروسته اېنګلنډ ته په ۶ منډو ماته ورکړه، چې لدې سرهد پنځو ټېسټ لوبو سیریز په مساوي توګه پای ته ورسېده.

محمد سراج د اېنګلنډ په وړاندې وروستۍ لوبه کې د پنځو وېکټو په اخیستو د یادې لوبې غوره لوبغاړی وټاکل شو.

او لوبډلمشر شوبمن ګېل د ۷۵۴ منډو په ترسره کولو د دې لوبلړۍ غوره لوبغاړی ونومول شو.

دا د هند لومړی ټېسټ سیریز وو چې د روهېت شرما او وېرات کوهلي په نشتون کې د شوبمن ګېل په لوبډلمشرۍ ترسره شو.

ګېل لومړی هندی لوبغاړی شو چې په ټېسټ لوبو کې د هند په وړاندې یو سیریز کې تر ټولو زیاتې ۷۵۴ منډې جوړې کړې.

همدارنګه په ترسره شوې لوبلړۍ کې د دواړو ټیمونو لخوا له ۷۰۰۰ زیاتې منډې ترسره شوې چې دا د ټېسټ کرېکټ په تاریخ کې دویم ځلدی چې په یوه ټېسټ سیریز کې دومره ډیرې منډې ترسره کیږي.

د دې سیریز له ترسره کېدو وروسته هند د نړیوال ټېسټ چمپېنشپ د نومرو په جدول کې دریم او اېنګلنډ څلورم ځای خپل کړ.

آمو نهنګانو لوبډلې د عظمت الله عمرزي په لوبډلمشرۍ  یو ځل بیا د شپږیزې کرېکټ لیګ سیالیو اتلولي په خپل نوم کړه.

د تېر کال اتلې لوبډلې آمو نهنګانو وکولی شول په پایلوبه کې د یوې په زړه پورې لوبې وروسته د اتو وېکټو په توپیر مس عینک ته ماتهورکړي او د تېر کال د اتلولۍ لقب له ځانه سره وساتي.

د لسم پړاو شپږیزې لیګ سیالۍ د روان کال جولای میاشتې په ۱۹مه نېټه کابل کې د پنځو لوبډلو ( بند امیر، آمو ، مس عینک، بُست، اوسپین غر )په ګډون پیل شوې وې پایلوبه یې نن د جولای په ۳۱مه نېټه کابل کرېکټ لوبغالي کې ترسره شوه. د لوبې ټاس آمو لوبډلې وګټهاو د توپ اچونې پرېکړه یې وکړه.

که څه هم مس عینک لوبډلې ښه پیل اخیستی وو خو لوبغاړي یې د ښه هدف په ټاکلو کې پاتې راغلل، خپلې وېکټې یې ژر له لاسه ورکړېاو آمو لوبډلې ته یې د ۱۲۲ منډو هدف وټاکه. لوبډلمشر عظمت الله عمرزي ښکلې توپ اچوونه وکړه او د مقابلې لوبډلې څلور لوبغاړي یېوسوځول.

آمو لوبډلې د حسن عیس خیل د پنځوسیزې پر مټ وکولی شول یاد هدف د لوبې په دیارلسم اوور کې د دوه لوبغاړو په سوځېدو پوره کړي.

یاد لیګ کې یو ځل بیا د کورنیو لوبغاړو د شتون سربېره د راشد خان او محمد نبي په ګډون د ملي لوبډلې ټولو لوبغاړو برخه اخیستې وه . سربېره پر دې په سږ کال شپږیزه کې د نورو کورنیو تبصره کوونکو ترڅنګ درې نړیوالو مبصرینو هم شتون لره.

شرف الدین اشرف په نهو لوبو کې د ۱۴ لوبغاړو په سوځولو د سږکال شپږیزې مخکښ توپ اچوونکی شو، په ورته مهال حشمت اللهشهیدي د بند امیر لوبډلې لوبډلمشر په اتو لوبو کې د ۳۲۱ منډو په ترسره کولو مخکښ منډې جوړوونکی لوبغاړی وو.

له بلې خوا مس عینک لوبډلې وکولی شول د بند امیر خلاف لوبه کې د ۲۶۴ منډو په ترسره کولو د شپږیزې لیګ په تاریخ کې تر ټولو لوړهدف وټاکي.

په لسم پړاو شپږیزه لیګ کې یو ځل بیا نوي استعدادونه او ځوان لوبغاړي ښه وځلېدل او په مختلفو برخو کې یې د ښې کارکردګۍ له وجېد خلکو پام ځانته واړوه.

خالد تڼېوال او نورالرحمن هغه لوبغاړي وو چې په سږني کال شپږیزه کې یې د خپلو لوبډلو په ګټه سلیزې ووهلې. نورالرحمن د شپږېزېلیګ په تاریخ کې د چټکې سلیزې وهلو ریکارډ په خپل نوم کړ.

د هند ملي لوبډلې چټک توپ وهوونکی ریشب پنټ د انګلېنډ پر وړاندې د څلورمې ټېسټ لوبې په لومړۍ ورځ یعنې پرون(چهارشنبه جولای ۲۳مه) د لوبې په دوام کې سخت ټپي شو او له لوبې ووت.

ریشب پنټ د توپ وهنې پر مهال د کرېس اووکس پر وړاندې د ریورس سویپ شاټ وهلو هڅه کوله چې توپ یې د ښۍ پښې په بوټ ولګېداو د درد له امله یې چغه ووهله، د نوموړي د ښۍ پښې وړې ګوتې اړوند برخه کې وینه ولیدل شوه چې سم د واره فزیو او ډاکټر د ښاغليپنټ د وضعیت لیدو ته ډګر ته ښکته شول خو د ریشب پنټ حالت تر دې حده ښه نه وو چې موبایل امبولانس یا ګالف موټر کې له میدانوایستل شو.

د هند کرېکټ بورډ ډاکټرانو وروسته تایید کړه چې دا fracture دی، یعنې د پنټ د پښې هډوکی مات شوی او ساده ټپ نه دی.

ډاکټرانو ښاغلي پنټ ته د آرام لپاره شپږ اوونۍ وخت ورکړی او په دې موده کې به هېڅ تمرین هم نه کوي او نه به ډېر فشار پر ځانراوړي.

احتمال لري ریشب پنټ په سېپټمبر میاشت کې په را روان آسیا جام کې هم ونه شي لوبېدلی.

د ۲۰۲۵ کال آسیا جام د ترسراوي لپاره په پام کې نیول شوې غونډه چې د هند کرېکټ بورډ د نه ګډون له خطر سره مخ وه، بلاخره ترسره شوه او د هند کرېکټ بورډ په استازیتوب په کې راجیو شوکلا په آنلاین توګه ګډون وکړ.

دا غونډه چې د بنګله دېش په ډاکه کې پلان شوې وه، هندي کرېکټ بورډ د امنیتي او سیاسي اندېښنو له کبله نه غوښتل په کې ګډون وکړي او په ټوله کې یې د آسیا جام برخلیک په خطر کې اچولی وو.

په همدې حال کې د آسیا جام په تړاو د آسیایي شورا او د پاکستاني کرېکټ بورډ د مشر محسن نقوي په مشرۍ غونډه کې د افغانستان په ګډون د ۲۵ آسیایي هېوادونو د کرېکټ بورډونو استازو ګډون وکړو.

له سیاسي کړکېچونو سره سره، دا غونډه یو مهم ګام وو چې د آسیا جام ترسره کېدل یقیني کړي.

په غونډه کې پرېکړه وشوه چې آسیا جام به د متحده عربي امارتو په کوربتوب د را روانې سېپټمبر میاشتې په ۵مه پیل او تر ۲۱مې به دوام وکړي، ځینو سرچینو بیا د پیل نېټه ۱۰مه او د پای ۲۸مه ښودلې ده.

ټولې لوبې د دوبۍ او ابوظبۍ په لوبغالو کې پلان شوي دي.

د آسیا جام په ۱۷م پړاو لوبو کې به اته لوبډلې په ګروپي شکل د یو بل پر وړاندې ولوبیږي چې په الف ګروپ کې هند، پاکستان، متحدهعربي امارت او هانګ کانګ او په بي ګروپ کې بنګله دېش، سریلانکا، افغانستان او عمان شتون لري.

عمان، هانګ کانګ او متحده عربي امارت هغه لوبډلې دي چې د غوراوي سیالیو له لارې یې آسیا جام ته لار موندلې ده.

د آسیا جام د برخلیک په اړه داسې مهال پرېکړه وروستۍ کیږي چې د هند او پاکستان ترمنځ وروستیو سیاسي ترینګلتیاوو د یاد جام ۱۷م پړاو لوبې شکمنې کړې وې ځکه دا ځل لوبې د هند په کوربتوب ترسره کېدې خو په سیمه کې د نازک وضعیت له امله بې طرفه ځای تهولېږدول شوې.

د کرېکټ نړیوالې شورا خپله کلنۍ غونډه د ۲۰۲۵ کال د جولای په ۲۰مه نېټه په سینګاپور کې ترسره کړه. د غونډې مشري د ICC مرستیال رئیس ښاغلي عمران خواجه کوله. په دغه غونډه کې د نړۍ د بېلابېلو هېوادونو کرکټ بورډونو استازو ګډون کړی وو چې پر ډېرومهمو او کلیدي موضوعاتو یې خبرې اترې وکړې.

د غونډې په یوه څنډه کې د هغو افغان ښځینه کرکټ لوبغاړو د ملاتړ په موضوع هم بحث وشو چې له هېواده بې‌ ځایه شوي او په جلاوطنۍکې یې کرېکټ پیل کړی.

د آی سي سي د راپور په بنسټ یادو افغان ښځینه لوبغاړو لپاره به په هند کې د ۲۰۲۵ نړېوال جام او انګلېنډ کې د ۲۰۲۶ز کال شلاوریز جام کې فرصتونه برابر شي او له دې سره سره به په کورنیو سیالیو کې د لوبېدو امکانات هم مساعد شي.

دا فرصتونه به یوازې په روزنیزو سېمنارونو او غونډو کې تر ګډون محدود اوسي او رسماً به په نړیوال جام کې لوبېدل نه وي.

په همدې حال کې په یاده غونډه کې پرېکړه وشوه چې د ټېسټ اتلولۍ سیالیو د راتلونکو درې پړاونو ۲۰۲۷، ۲۰۲۹، او ۲۰۳۱ کلونو دپایلوبو کوربه‌توب به انګلېنډ او والز کرکټ بورډونه کوي.

د ټېسټ اتلولۍ درې لومړۍ پایلوبې هم په انګلېنډ کې ترسره شوې وې. وروستۍ پایلوبه تېره میاشت د سویلي افریقا او استرالیا ترمنځ دلندن په تاریخي لوبغالي لارډز کې ترسره شوه.

هم مهاله په ترسره شوې غونډه کې د امریکا کرېکټ بورډ ته د اداري اصلاحاتو د راوستلو لپاره درې میاشتې وخت ورکړل شو.

همدارنګه دوو نورو هېوادونو ( Temor Leste, Zambia ) ته د آی سي سي غړیتوب ورکړل شو، چې له دې سره د آی سي سي د غړوهېوادونو شمېر ۱۱۰ ته ورسېده.

ګیانا امازون واریرز لوبډلې د ګلوبل سوپر لیګ اتلولي وګټله.

د ګلوبل سوپر لیګ سیالۍ چې د جولای میاشتې په ۱۰مه نېټه د نړۍ پنځو لیګونو د اتلو لوبډلو ترمنځ پیل شوې وې، د روانې میاشتې په۱۸مه نېټه د ګیانا امازون واریرز لوبډلې په اتلولۍ پای ته ورسېدې.

پایلوبې ته د ابراهیم ځدارن لوبډلې رنګپور رایډرز او د رحمن الله ګربز اړوند لوبډلې ګیانا امازون واریرز لوبډلو لار موندلې وه.

د لوبې پچه ګیانا لوبډلې وګټله او د توپوهنې پرېکړه یې وکړه.

د ګیانا لوبډلې توپوهونکو ښکلې لوبه وکړه رحمن الله ګربز په ۳۸ توپونو ۶۶ منډې، جانسن چارلس په ۴۸ توپونو ۶۷ منډې او روماریوشېپرډ ۲۸ ناسوځېدلې منډې ترسره کړې . په ځواب کې د رنګپور رایډرز لوبډلې د افتخار احمد ۴۶ او سیف حسن ۴۱ منډو پر مټ یواځې۱۶۴ منډې ترسره کړې او لوبه یې د ۳۲ منډو په توپیر وبایلله.

رنګپور رایډرز چې د تېر سیزن اتله لوبډله وه ویې نشو کولی د خپلې اتلولۍ څخه دفاع وکړي.

د پایلوبې غوره لوبغاړی رحمن الله ګربز وټاکل شو چې په ۳۸ توپونو یې د څلورو شپږیزو او ۶ څلوریزو په مټ چټکې ۶۶ منډې ترسره کړېوې، په داسې حال کې چې عمران طاهر د ۱۴ وېکټو په اخیستو د ګلوبل سوپر لیګ غوره لوبغاړی ونومول شو.

لدې سره سره رحمن الله ګربز د ۱۳۹ منډو په جوړولو د یاد لیګ مخکښ منډې جوړونکې لوبغاړی وو.

د یاد لیګ په ترسره شوي دویم پړاو کې شپږ افغان لوبغاړو هر یوه رحمن الله ګربز، صدیق الله اتل، ابراهیم ځدران، ګلبدین نایب، محمدنبی او ابراهیم مسعود اخیستل شوي وو.

د افسانوي لوبغاړو د اتلولۍ نړیوالو سیالیو په لړ کې چې د  روانې جولای میاشتې په ۱۸مه پیل شوي، د شېکر دهوان په ګډون هندي لوبغاړو له پاکستان سره له لوبې کولو مطلق انکار وکړ.

د دواړو لوبډلو ترمنځ لوبه چې ټاکل شوې وه نن ترسره شي له ترسره کېدو وړاندې د هندي لوبغاړو په غوښتنه لغوه شوه.

د لوبې د لغوه کېدو لامل له پاکستان سره د هند جیوپولېټک وضعیت، سیاسي کړکېچ او ناسمې اړیکي ښودل شوي په ځانګړې توګه پهوروستیو کې د هند تر ولکې لاندې د کشمیر په پلګهام کې پر سیلانیانو له ترهګریز برید وروسته چې د دواړو هېوادونو د سیاسي اړیکوسربېره یې ورزشي اړیکې هم ترینګلې کړې، هندي لوبغاړو پرېکړه وکړه چې نور له پاکستان سره لوبې نه کوي.

په می میاشت کې په وتساپ د شېکر دهوان له بحث او خبرو وروسته د افسانوي لوبغاړو د اتلولۍ نړیوالو سیالیو تنظیموونکو د ایمیل لهلارې په روانو سیالیو کې له پاکستان سره د هند د نه لوبېدو خبره وکړه.

نورو هندي لوبغاړو لکه هربجن سېنګ، یوسف پټان، عرفان پټان او سورېش رېنا هم له دې پرېکړې ملاتړ کړی.

په همدې حال کې د یادو سیالیو تنظیموونکو هم د هندي مینه والو احساساتو ته په درناوي د هند او پاکستان لوبه لغوه کړې او بخښنه یېغوښتې ده.

د افسانوي لوبغاړو د اتلولۍ نړیوالو سیالیو یا World champions of legends کې د شپږو هېوادونو هند، پاکستان، اسټرالیا،سویلي افریقا، انګلېنډ او وېسټ انډیز افسانوي لوبغاړي د خپلو هېوادونو په استازیتوب لوبیږي.

تراوسه یې دوه لوبې ترسره شوي د انګلېنډ او پاکستان ترمنځ چې پاکستان ګټلې او د وېسټ انډیز او سویلي افریقا ترمنځ چې مساويپای ته رسېدلې ده.

آسټرالیا د وېسټ انډیز په وړاندې ټېسټ لوبلړۍ کې ۳ : ۰ بریا خپله کړه او ویې کولی شول چې د فرانک ووریل جام سیریز په خپل نومکړي .

د دواړو هېوادونو ترمنځ د درې ټېسټ لوبو، لوبلړۍ چې د جون میاشتې په ۲۵مه نېټه پیل شوې وه د جولای په ۱۴مه نېټه د آسټرالیا په ګټهپای ته ورسېده.په یادې لوبلړۍ کې آسټرالیوي توپ اچوونکو غوره کارکردګي وښوده او وتوانېدل د وېسټ انډیز توپ وهونکي له ستونزوسره مخ کړي.

آسټرالیا لوبډلې لومړۍ ټېسټ لوبه د ۱۵۹ منډو په توپیر، دوهمه لوبه ۱۳۳ منډو او وروستۍ لوبه یې په ۱۷۶ منډو وګټله.

دا لوبلړۍ د ۲۰۲۵–۲۰۲۷ کال نړېوال ټېسټ چمپینشېپ سیالیو په چوکاټ کې ترسره شوې، چې پکې د آسټرالیا چټک توپ اچوونکيمېچل سټارک د خپل لوبیز ژوند ۱۰۰مه ټېسټ لوبه ترسره کړه او په ټوله کې یې ۱۵ لوبغاړي چې په وروستۍ لوبه کې یې د غوره توپاچوونې په مټ وکولی شول یواځې د ۹ منډو په ورکولو ۶ لوبغاړي وسوځوي. همدارنګه ټراوېس هېډ د ۲۲۴ منډو په ترسره کولو د سیریزمخکښ منډې جوړوونکی لوبغاړی شو .

یادې لوبلړۍ کې وېسټ انډیز لوبډلې د درېمې لوبې په وروستۍ پاڼۍ کې په ۲۷ منډو د ټولو لوبغاړو د سوځېدو وروسته د ټېسټ کرېکټ پهتاریخ کې د کمو منډو جوړولو لوبډلو کې دویم ځای خپل کړ. تر دې وړاندې په ۱۹۵۵ کال کې نیوزیلنډ لوبډلې د انګلنډ په وړاندې د ټولولوبغاړو په سوځېدو یواځې ۲۶ منډې ترسره کړې وې. په ورته وخت کې افغانستان لومړنۍ لوبډله ده چې په ټېسټ لوبو کې یې  کمې منډېله سلو پورته دي .

د آسټرلیوۍ لوبډلې وکړای شول له دریوو بریاوو وروسته د WTC جدول کې لومړی ځای خپل کړي .

ټاکل شوې د دواړو لوبډلو ترمنځ د شل اوریزو لوبو لړۍ د روانې جولای میاشتې په ۲۱مه نېټه پیل شي.

هندوکش سټرایکرز لوبډلې د اېکس بول واخان ملي شل اوریز جام اتلولي وګټله.

دا کورنۍ شل اوریزې سیالۍ د جون  په ۲۸مه کندز ولایت کې پیل او د جولای په اوومه نېټه د هندوکش لوبډلې په اتلولۍ پایته ورسیدې.

هندوکش سټرایکرز، ماهیپر ستوري، میوند اتلان او پامیر لېجېنډز د سږ کال ملي شل اوریز لیګ ګډون کوونکې لوبډلې وې.

پایلوبې ته پامیر لېجېنډز او د ماهیپر ستورو لوبډلې وتلې وې.

د لوبې پچه پامیر لېجېنډز لوبډلې لوبډلمشر ننګیال خروټي وګټله او د لومړي توپوهنې پرېکړه یې وکړه او مقابلې لوبډلې ته یې د ۹۸ منډوهدف وټاکه. په توپ وهنه کې نورالرحمن ۳۱ او ننګیال خروټي ۲۳ تر ټولو ډیرې منډې ترسره کړې. بلخوا په توپ اچونه کې د هندوکش لپارهطارق ستانګزي، عبدالله ترخیل او دولت ځدران هر یوه دوه دوه لوبغاړي وسوځول. په پایله کې هندوکش سټرایکرز وکولی شول د یوې پهزړه پورې لوبې وروسته د یوې وېکټې په توپیر پامیر لوبډلې ته ماته ورکړي او د روان شل اوریز جام اتلولي خپله کړي.

د هندوکش لوبډلې لپاره زبید اکبري تر نورو ډیرې ۲۶ منډې ترسره کړی .

په دې ټورنمنټ کې تر ټولو مخکښ منډې جوړوونکی ذبید اکبري وو چې د هندوکش سټرایکرز لپاره یې ۱۶۷ منډې ترسره کړې. او تر ټولومخکښ ویکټ اخیستونکي یما عرب وو چې د خپلې لوبډل لپاره یې ۱۱ لوبغاړي وسوځول. د پای لوبې غوره لوبغاړی دولت ځدران وټاکلشو چې د څلور منډو په ورکولو یې دوه لوبغاړي وسوځول.

او د جام غوره لوبغاړی فرمان الله صافی وټاکل شو.

یاد شل اوریز جام هېواد کې د کرېکټ په وده او د ځوانو استعدادونو په پیدا کېدو کې مهم رول لوبولی دی.

د متحده عربي اماراتو نړيوال ليګ راتلونکې پړاو کې د پير له مراسمو وړاندې کومو افغان لوبغاړو سره تړونونه وشو؟

د متحده عربي اماراتو نړيوال ليګ څلورم پړاو د لوبغاړو د پير مراسم دا ځل د نورو کلونو په نسبت يو څه مختلف ترسره کيږي او په لومړيځل به پکې لوبغاړي د ډرافټ له لاري نه، بلکې د بولۍ له لارې د لوبډلو له لوري واخيستل شي.

خو د بولۍ له مراسمو وړاندې د افغان لوبغاړو په ګډون ګڼ شمېر لوبغاړو له بيلابيلو لوبډلو سره د لوبيدو تړونونه کړي دي.

په راتلونکې څلورم پړاو متحده عربي اماراتو شل اوریز ليګ کې چې شپږ لوبډلې يې ګډونولې دي، له دريو لوبډلو سره پکې شپږ افغانلوبغاړو له بولۍ وړاندې د لوبيدو تړون کړی.

له مای امارات لوبډلې سره فضل الحق فاروقي او الله محمد غضنفر، د دوبۍ کپيټلز لوبډلې سره ګلبدين نايب او وقار سلامخيل، د ګلفجاينټز لوبډلې سره عظمت الله عمرزي او رحمن الله ګربز د لوبيدو تړون کړی دی.

د يادولو وړ ده چې د متحده عربي اماراتو شل اوریز ليګ به د روان ۲۰۲۵م کال په ډيسمبر مياشت کې پيل او د ۲۰۲۶م کال د جنوريمياشتې تر څلورمې نيټې پورې به دوام وکړي.