د کرېکټ ملي لوبغاړي فرید ملک له خوا د سپینو زرو پر لیلام شوي مډال تر زر ډالرو پورته بولۍ وهل شوې.
په همدې حال کې افغان هنرمند میرخان مقري ویلي چې د فرید ملک مډال تر درې زره ډالرو پورې اخلي.
خو په ورته مهال د افغان کرېکټ ملاتړې او مینه والې وژمې ایوبي پرې بیا تر پنځه زره ډالرو پورې بولۍ وهلې.
![](https://acauk.net/wp-content/uploads/2023/11/E8F1DB66-B2D3-4B60-92BE-A2B7144951A6-1024x859.jpeg)
![](https://acauk.net/wp-content/uploads/2023/11/801E828B-2360-4D1F-B50F-1A55756B9D0A-1024x841.jpeg)
له بل خوا لوګر کې د ټرانسپورټي شرکت مشر ګلرېز شېرازد ویلي چمتو دی چې د فرید ملک مډال په پنځه نیم زره ډالر واخلي.
ملي لوبغاړي فرید ملک ویلي چې د پاکستان سره د تېرې لوبلړۍ پرمهال یې ترلاسه کړی د سپینو زرو مډال پلوري او پیسې یې له پاکستانه راشړل شویو افغان کډوالو سره مرسته کوي.
![](https://acauk.net/wp-content/uploads/2023/11/D1607362-F256-48EA-99BE-09E4EA2C0623-1024x534.webp)
د فرید ملک دغه اقدام او اخلاص د مینه والو له خوا له پراخ هرکلي سره مخ شوی او له نورو لوبغاړو او شتمنو یې هم غوښتي چې له پاکستانه د راغلیو کډوالو لاسنیوی وکړي.
دا چې د فرید ملک پر مډال به بولۍ څو ته پورته کیږي او څوک به یې اخلي په لنډ وخت کې به یې ښاغلی ملک خپله اعلان وکړي.