د افغانستان او سریلانکا د وروستۍ لوبې پر مهال د یو لړ سرغړونو له امله د کرېکټ نړیوالې شورا د شل اوریزو لوبو په دویم غوره توپ اچوونکي سریلانکایي وېنېندو هسرنګا او افغان ستوري رحمن الله ګربز بندیز ولګاوه او ناغه یې کړل.

هسرنګا د افغانستان پر وړاندې د وروستۍ شل اوریزې لوبې پر مهال د نو بال په اړه د لوبڅار پر وړاندې په غبرګون کې او له لوبې وروسته د خبري کنفرانس پر مهال لوبڅار ته په اشارې د توندو څرګندونو له امله له بندیز او مېچ فیس جریمې سره مخ شو.

هسرنګا په خپل دې کار سره د کرېکټ نړیوالې شورا درې ډیمیرېټ پواینټز ترلاسه کړل ، نوموړي په تېرو ۲۴ میاشتو کې هم دوه ډېمېرېټ پواینټز ترلاسه کړي وو، چې په سره یې پنځه شول.

د کرېکټ په اصطلاح کې هر هغه لوبغاړي ته ډېمېرېټ پواینټز ورکول کیږي چې اصول مات کړي او د کرېکټ له قوانینو سرغړونه وکړي چې هر لوبغاړی د پنځو ډېمېرېټ پواینټونو په ترلاسه کولو سره له بندیز سره مخ کیږي.

نو له همدې امله د سریلانکا د شل اوریزو لوبو لوبډلمشر وینېندو هسرنګا د کرېکټ نړیوالې شورا له بندیز سره مخ شوی.
ښاغلی هسرنګا به د دې بندیز له مخې ونه شي کولی د سریلانکا په راتلونکې یوه ټېسټ لوبه، او یا دوه شل اوریزې او پنځوس اووریزې لوبې وي، نو ځکه د بنګلدېش خلاف راتلونکو دوه شل اووریزو سیالیو کې ګډون نخ شي کولی. او دا راز به د لوبې ۵۰ سلنه میچ فیس هم د ناغې په توګه د کرېکټ نړیوالې شورا ته ورکوي.

بل لور بیا افغان تېز توپ وهوونکی رحمن الله ګربز هم د سریلانکا پر وړاندې لوبه کې د اصولو نه د سرغړونې له امله له مېچ فیس جریمې سره مخ شوی.

ګربز د توپ وهنې پر مهال غوښتل د خپل بېټ ګرېپ یا ربړ بدل کړي چې د لوبڅار له خوا د څو-څو ځل خبرداري ورکولو سره هم ګربز د خپل بېټ ګرېپ بدل کړ او د کرېکټ اصول یې مات کړل چې له امله یې د کرېکټ نړیوالې شورا له غبرګون سره مخ شو.

د ګربز په دې کار سره د نړیوالې شورا د اصولو له مخې نوموړي ته یو ډیمرېټ پواینټ ورکړل شو، نوموړي ته په تېرو ۲۴ میاشتو کې یو بل ډیمیرېټ پواینټ هم ورکړل شوی وو چې له اوسني سره یې دوه شول.

په دې سره رحمن الله ګربز د ۱۵ سلنه میچ فیس ورکولو ناغه شوی.

دواړو لوبغاړو پر خپل ځان لګېدلی بندیز او ناغې منلي او د ورکولو پخلی یې کړی.

 

د افغانستان د ۱۹ کلنو کم عمره لوبډلې اووه ځله د ۱۹ کلنو نړیوال جام ته لار پیدا کړې او له بېلابېلو لوبډلو سره لوبېدلې.

افغان ۱۹ کلنې لوبډلې د لومړي ځل لپاره په ۲۰۰۹ کال کې غوراوي پړاو کې ایرلېنډ ته له ماتې ورکولو وروسته د ۲۰۱۰ کال د ۱۹ کلنونړیوال جام ته لار پیدا کړه.

د دویم ځل لپاره د ۲۰۱۲ کال د ۱۹ کلنو نړیوال جام کې او د دریم ځل لپاره په ۲۰۱۴ کال کې په متحده عربي اماراتو کې د ۱۹ کلنو پهنړیوال جام کې ولوبېد او د لوبډلو په نوملړ کې یې اووم ځای خپل کړ.

 

 

د افغانستان ۱۹ کلنه لوبډله ورو ورو د کرېکټ په یوې مخکښې لوبډلې بدله شوه او د کرېکټ نړیوالې شورا د بشپړ غړیتوب له ترلاسه کولووروسته د ۲۰۱۷ او ۲۰۱۸ کلونو د ۱۹ کلنو کرېکټ نړیوال جام ته یې هم لار ومونده.

 

د ۱۹ کلنو په نړیوال جام کې د افغان ۱۹ کلنې لوبډلې سفر دومره بریالی وو چې د د ۲۰۲۲ کال د ۱۹ کلنو په نړیوال جام کې یې نیمه پایلوبې ته هم لار پیدا کړه خو د انګلېنډ له خوا د ماتې په خوړلو سره یې په همدې پړاو کې سفر پای ته ورسېد.

 

په همدې حال کې د افغانستان ۱۹ کلنو لوبډله د ۲۰۲۴ کال د ۱۹ کلنو نړیوال جام کې په ډي ګروپ کې له پاکستان، نیوزیلنډ او نیپال سرهلوبیږي.

په ټوله کې د ۱۹ کلنو نړیوالو جامونو موخه د هر هېواد د ملي لوبډلې لپاره د وړ او متسعدو لوبغاړو پیدا کول او په ملي لوبډلو کې ځایورکول دي.

 

په وروستیو کلونو کې د افغانستان ملي لوبډلې اتیا سلنه هغه لوبغاړي تشکیلوي چې د ۱۹ کلنو په ملي او نړیوالو جامونو کې لوبېدلي وواو له دې لارې یې ملي لوبډلې ته لاره پیدا کړې.

د نولس کلنو کم عمره نړیوال جام له ننه ۳۶ کاله وړاندې په ۱۹۸۸ کال کې پیل شوی او په دغه موده کې له افغانستان پرته د بېلابېلو هېوادونو د کرېکټ لوبډلو د یاد نړیوال جام اتلولي ګټلې ده.

د لومړي ځل لپاره او د ۱۹ کلنو د لومړي جام اتلولي په ۱۹۸۸ کال کې اسټرالیا ګټلې وه.

 

له ۱۹۸۸ کال راپه دې خوا تراوسه د ۱۹ کلنو ۱۴ نړیوال جامونه ترسره شوي او د ۲۰۲۴ کال نړیوال جام په راتلونکو دوو ورځو کې د جنورۍ په ۱۹مه پیلیږي، چې د فبرورۍ په یوولسمه به پای ته ورسیږي.

د ۱۹ کلنو نړیوال جام له پیل راهیسې هند پنځه، اسټرالیا درې، پاکستان دوه، انګلېنډ، بنګله دېش، سویلي افریقا او ویسټ انډیز یو-یو ځل د دغه نړیوال جام اتلولي ګټلې ده.

 

 

 

د سږکال نړیوال جام ګډون کوونکو هېوادونو له وړاندې خپلې لوبډلې اعلان کړي او وار د مخه یې د اتلولۍ ګټلو لپاره تابیاوې کړي.

هغه لوبډلې چې د یاد جام نیمه پایلوبې ته یې د وتلو احتمال ډېر دی او هڅه کوي چې اتلولي وګټي، د اسټرالیا، هند، پاکستان او سویلي افریقا لوبډلې دي.

افغان لوبډله پرون د هند په موهالي لوبغالي کې له هندۍ لوبډلې سره د لوبلړۍ په لومړۍ لوبه کې مخامخ شوه.

د لوبې پچه هندۍ لوبډلې وګټله او افغان لوبډلې ته یې د توپ وهنې بلنه ورکړه.

افغان لوبغاړو په ټاکلو شلو اورونو کې د پنځو وېکټو په زیان مقابلې لوبډلې ته ۱۵۹ منډې هدف ورکړ.

 

د لوبې په دویمه پاڼۍ کې افغان توپ اچوونکو ښه پیل واخیست او د هند دوه مهم لوبغاړي یې په لومړنیو اورونو کې وسوځول.

خو د لوبې وروستي اورونه د هندۍ لوبډلې په ګټې واوښتل او ټاکلی هدف یې د څلور لوبغاړو په زیان سره په ۱۷.۳ اورونو کې پوره کړ.

 

 

په افغان توپ اچوونکو کې مجیب ځدراڼ دوه او عظمت الله عمرزي یو لوبغاړی وسوځاوه.

له لوبې وروسته د افغان ملي لوبډلې موقت لوبډلمشر ابراهیم ځدراڼ وویل چې د توپ وهنې پیل مو ښه نه وو او د پلان مطابق د مناسب هدف په ټاکلو ونه توانیدو.

 

 

ځدراڼ زیاته کړه: که هدف مو څه ناڅه زیات وی بیا مو مقابله لوبډله تر وروستي اوور رسوله خو نوموړي په توپ وهنه او ډګر ساتنه کې نیمګړتیاوې ومنلې او د راتلونکو لوبو لپاره یې د ښه کولو ډاډ ورکړ.

افغانستان او هند به د لوبلړۍ د دویمې لوبې لپاره د راتلونکې یکشنبې په ورځ یو ځل بیا د ماښام په شپږو بجو سره مخامخ شي.

افغان ملي لوبډله د لومړي ځل لپاره له هند سره دوه اړخیزه لوبلړۍ لوبوي.

افغان او هند کرېکټ بورډونو وار د مخه د یو بل پر وړاندې د لوبغاړو نوملړ اعلان کړی.

د افغانستان لوبډلې ته په کتو هند هم پیاوړې لوبډله جوړه کړې او د افغان لوبډلې د هر توپ وهوونکي او توپ اچوونکي په مقابل کې یېپیاوړي او مخکښ لوبغاړي په نوملړ کې ځای پر ځای کړي.

 

هند د لوبډلې جوړښت کې د ویرات او شوبمن ګېل په ګډون نهه توپ وهوونکي لري چې دوه یې وېکټ ساتونکي دي او دا راز افغانستان پهخپل جوړښت کې شپږ توپ وهوونکي او دوه وېکټ ساتونکي لري.

هندۍ لوبډله د افغانستان د څلورو ورو توپ اچونکو په ځواب کې څلور ورو توپ اچوونکي لري او همدارنګه د پنځو افغان تېزو توپاچوونکو پر وړاندې درې تېز او مخکښ توپ اچوونکي لري.

 

بل خوا له هند سره به د لوبلړۍ پر مهال تر بل هر وخت ډېر د راشد نه شتون او تشه احساس شي او دا به هغه فرصت وي چې هندۍلوبډله به له ډېر فشار ژغوري.

اوس افغان لوبډله هم د هند یو له سرسختو سیالو لوبډلو ګرځېدلې او دا چې هند په خپل کور کې لوبیږي څه ناڅه پر افغان لوبډلېبرلاسې ښکاري خو په ورته مهال افغان لوبغاړي د هند له هوا سره بلد دي او د ای پي اېل سیالیو کې یې په لوبغالو کې لوبېدلي او کولیشي فشار کابو کړي.

 

په همدې حال کې د شل اوریز نړیوال جام د رارسېدو په درشل کې د هند او افغانستان مهمه لوبلړۍ نن پیلیږي.

 

له عثمان خواجه سره د ای سي سي وروستی چلند او پر وړاندې یې د نړیوالو لوبغاړو ځواب

اسټرالیایي لوبغاړي عثمان خواجه سره د فلسطین له خلکو د ملاتړ له امله د کرېکټ نړیوالې شورا وروستی چلند د نړیوالو لوبغاړو له خوا له غبرګون سره مخ شوی او ډېریو د نوموړي په ملاتړ را دانګلي.

تازه د اسټرالیا لوبډلمشر پټ کمېنز د خپل لوبغاړي د پیغام او دریځ ننګه کړې او ویلي یې دي، موږ د عثمان خواجه ملاتړ کوو، فکر کوم نوموړی د هغه څه لپاره دریځ اخلي چې ورباندې باور لري او دا کار په ډېر درناوي کوي.

 

پټ کمېنز وړاندې د ښاغلي خواجه پیغام تکرار کړی او زیاته کړې یې ده چې د ټولو ژوند مساوي دی او فکر نه کوم په دې د چا بې احترامي شوې وي.

تر دې وړاندې پخواني کرېکټر مایکل هولډېنګ د کرېکټ نړیواله شورا د عثمان خواجه پر وړاندې په دوه ګوني چلند تورنه کړې وه.

 

ښاغلي هولډېنګ نیوکه کړې وه که د کرېکټ نړیواله شورا داسې کوي نو ولې ځینو لوبغاړو ته د تورپوستو د حقونو په احترام په یو زنګون د کېناستو اجازه ورکوي.

عثمان خواجه له پاکستان سره د ټېسټ سیالیو د تمریناتو پر مهال د فلسطینیانو په ملاتړ په خپلو بوټانو د ټولو ژوند مساوي دی پیغام لیکلی وو چې د کرېکټ نړیوالې شورا له خوا خبرداری ورکړل شو که له یاد پیغام سره بیا خپل بوټان په پښو کړي له لوبې به یې کېنوي.

 

نوموړي بیا د پاکستان پر وړاندې یاد بوټونه نه وو په پښو کړي خو د فلسطین له خلکو یې د ملاتړ لپاره په لاس توره پټۍ تړلې وه چې په دې وروستیو کې د کرېکټ نړیوالې شورا له خوا ناغه شو.

د ای سي سي دا کار د مینه والو او ځینو لوبغاړو له نیوکو سره مخ شو.

 

عثمان خواجه دا مهال هم په خپلو سوشل اکونټونو د فلسطین د ملاتړ لپاره د خپل پیغام په اړه څرګندونې کوي او د نوموړي دا دریځ د ډېرو مینه والو له خوا سنایل شوی او ځینو لوبغاړو یې هم ملاتړ کړی.

له افغانستان بچ شوې اسټرالیا له سویلي افریقا هم ځان وژغورو

د ۲۰۲۳ کال کرېکټ نړیوال جام د نیمه پای لوبو په درشل کې اسټرالیا له سویلي افریقا هم بچ شوه.

اسټرالیا چې نیمه پای لوبې ته د وتلو لپاره په ډېره سخته د افغانستان له خوا له ماتې خوړلو بچ شوې وه، پرون د نړیوال جام نیمه پای لوبه کې له سویلي افریقا هم په سخته وژغورل شوه او بلاخره یې ځان پای لوبې ته ورساوه.

 

اټکل کېده که افغان لوبډلې له اسټرالیا لوبه ګټلی وی له سویلي افریقا هم ورته ګټل اسانه کېدل او کېدی شي د دغه اټکل سره سم اوس افغان لوبډله په پای لوبه کې له هند سره وه.

اوس هند ماته کړې اسټرالیا د روان نړیوال جام پای لوبه کې یو ځل بیا له هند سره مخامخ کیږي.

اسټرالیا چې اته ځله د نړیوال جام پای لوبو ته وتلې او پنځه ځله یې اتلولي ګټلې په هند یې سترګه سره ده.

 

 

خو له بلې خوا په روان نړیوال جام کې د اسټرالیا سفر ان د افغان لوبډلې په پرتله هم دومره خوندور نه وو او وروستۍ لوبې یې په بېکاره ډول وګټلې.

په ورته مهال بیا د اسټرالیا مقابل کې هندۍ لوبډله په خپل کور او لوبغالي کې لوبیږي او تر دا مهاله یې د نړیوال جام ټولې لوبې ګټلي نو پر دې بنسټ پر اسټرالیا یې زور بر ښکاري او اسانه به نه وي چې د نړیوال جام ټرافي له هند ووځي.

ټاکل شوې د هند او اسټرالیا ترمنځ د نړیوال جام پای لوبه د نومبر په ۱۹مه د یکشنبې په ورځ د هند په ترټولو لوی لوبغالي احمد اباد کې ترسره شي.

 

 

ښایي د هند د لوبې نندارې لپاره لومړی وزیر نرېندرا مودي، نور سیاستوال، د هند مشهور فلمي لوبغاړي، ادا کاران او د کرېکټ پخواني لوبغاړي هم لوبغالي ته راشي.

د یو ورځنۍ لوبلړۍ له لغوه کولو وروسته اسټرالیا له افغانستان سره مخامخ کیږي

ټاکل شوې د نړیوال جام په دوام د نومبر په اوومه افغان ملي لوبډله له اسټرالیا سره لوبه وکړي.

دا چې اسټرالیا هم د کرېکټ د نړۍ پیاوړې او مخکښه لوبډله ده، افغان مینه وال د پاکستان په ګډون له نورو لوبډلو سره د تېرو لوبو په څېر له اسټرالیا سره هم لېواله دي او د یوې په زړه پورې لوبې لیدو ته شېبې شمېرې.

 

 

په همدې حال کې اسټرالیا د روان کال په جنورۍ میاشت کې له افغان لوبډلې سره یو ورځنۍ لوبلړۍ لغوه کړه او لامل یې هم افغانستان کې د نجونو او ښځو پر زده کړو او کار بندیز ښودلی وو او ویلي یې وو چې د بشري حقونو مسله ورته مهمه ده.

تازه افغان چټک توپ اچوونکي نوین الحق اسټرالیا ته په کنایه آمېز ډول ویلي چې ایا اسټرالیا ته اوس هم د بشري حقونو مسله مهمه ده که د نړیوال جام دوه پواینټونه.

 

نوموړي په خپله انسټګرام سټوري داسې کښلي:

«د دوه اړخیزه لوبلړۍ له انکار وروسته، اوس به په زړه پورې وي چې د اسټرالیا کرېکټ بورډ په نړیوال جام کې هم په خپل دریځ ودریږي او که دوی ته له “بشري حقونو” دوه پواینټونه مهم دي.»

د نوین دغو څرګندونو پراخ مخالف او ملاتړي غبرګونونه راپارولي خو ډېری افغان مینه والو له نوین ملاتړ کړی او د نوین څرګندونې یې سمې، پر ځای او پر وخت بللې دي.

افغانستان په خپلې اوومې لوبې کې له یوې با انرژي, د ګټې لیوالې, مستعدې او هڅاندې لوبډلې سره مخامخ دی.   دوی د ای سي سيبشپړ غړي نه دي, خو درې بشپړ غړي یې مات کړي.

‏افغانستان چې په لومړي ځل په شل اوریز نړیوال جام کې لوبېده، یوه لوبه یې له جنوبي افریقا سره وه. زما یادېږي هغه مهال د جنوبيافریقا کپتان ګریم سمیت ویلي وو چې د افغانستان لوبډله د کیلې د پوټکي په څېر ده، هره لوبډله پرې ښویدای شي. هغه وخت افغانستاندوې لوبې درلودې او دواړه یې وبایللې او کومه لوبډلې پرې ونه ښویده، خو په دې نړیوال جام کې د هالنډ لوبډله همدغسې ده. دوې لوبډلېجنوبي افریقا او بنګله دېش پرې ښویدلي دي.

 

 

افغانستان د جمعې په ورځ په نړیوال جام کې له هالنډ سره لوبه کوي. افغانستان په شپږو کې درې او هالنډ دوې لوبې ګټلې دي.

‏هالنډ په فیلډینګ، بالینګ او بیټینګ درې واړو کې ښه ځلېدلی, دوی د همدغه نړیوال جام د غوراوي په سیالیو کې ویسټ انډیز ته هم ماتېورکړه.

‏د دوی کپتان ایډوارډز، نور لوبغاړي اکرمن، بس دې لید، ون بیګ او ځینې نور یې مهم لوبغاړي دي او په دغو دوو بریو کې یې مهم روللوبولی دی. د هالنډ اکثریت لوبغاړي د انګلنډ په کاونټیو او کلبونو کې لوبېږي او همدا علت دی چې کرکټ یې ډېر ښه دی. دوی تر اتم اونهم لوبغاړي پورې هم بیټینګ کولای شي، الراونډران یې زیات لري.

‏تېرو لوبو ته په کتو د هالنډ لوبغاړي تېز بالران ښه لوبولای شي، مګر له سپن یا ورو توپ اچوونکو سره ستونزه لري، په دې هیله چېافغانستان دې ټکي ته پام وکړي.

 

 

دا لوبه د افغانستان لپاره ډېره مهمه ده او په بري سره به یې په جدول کې نور هم مخکې شي او ورسره سیمې فاینل او تر ټولو مهمچمپین ټرافي ته یې ورتګ کې ډېره مرسته کوي.

‏د افغانستان په لوبډلې کې فکر نکړم له ضرورت پرته کوم لوی تغیر راشي، خو د هالنډ کمزورتیا ته په کتو، شاید لکڼوال ښه انتخاب وي. لوبه په لکهنو کې ده، تېرو لوبو کې دا پچ د ورو توپ اچوونکو لپاره ښه و. خو روزونکي او کپتان به د پچ له کتو  وروسته اخري پرېکړهکوي.

‏افغانستان د لوبو ګټل پيل کړي، ان شاءالله چې له هالنډ څخه به یې هم وګټي. د پاکستان او سري لانکا سره د لوبو په څېر د ورکړل شويپلان تطبیق او ښه لوبه بری راوي. خو هالنډ باید اسان ونه ګڼل شي.

 

 

د افغانستان او هالنډ وروستۍ لوبې

‏افغانستان د ۲۰۲۲ د جنورۍ په میاشت کې په قطر  کې له هالنډ سره درې یوه ورځنۍ لوبې وکړې. هغه لوبې د همدغه نړیوال جام ته دورتګ لوبې وې. افغانستان درې صفر هالنډ ته ماتې ورکړه. هلته د هالنډ یو لوبغاړی کېنګما جریمه شوی هم و او له څلورو نړیوالو لوبو بندشوی و. هغه په لوبه کې «بال ټمپرینګ» کړی و.  بال ټمپرینګ هغه کار ته ویل کیږي چې په لوبه کې لوبغاړي په هرې وسیلې سره چې وي‌د توپ د اصلي بڼې د خرابولو هڅه وکړي او یا یې خرابه کړي. کېنګما په نوکانو باندې د بال بڼه خرابه او کنډ او کپر یې کړې وه، کله چېبال خراب شي بیا سوینګ ښه کېږي او هغه وخت کې توپ‌ وهونکي ته سرخوږی جوړیږي. دا کار د آی سي سي د قانون او ورزشياخلاقو ضد دی.

‏د افغانستان د بري په هیله.