د نولس کلنو کم عمره نړیوال جام له ننه ۳۶ کاله وړاندې په ۱۹۸۸ کال کې پیل شوی او په دغه موده کې له افغانستان پرته د بېلابېلو هېوادونو د کرېکټ لوبډلو د یاد نړیوال جام اتلولي ګټلې ده.
د لومړي ځل لپاره او د ۱۹ کلنو د لومړي جام اتلولي په ۱۹۸۸ کال کې اسټرالیا ګټلې وه.
![](https://acauk.net/wp-content/uploads/2024/01/E903682D-36CD-4894-8EDD-949B0CC6A1D4-1024x768.jpeg)
له ۱۹۸۸ کال راپه دې خوا تراوسه د ۱۹ کلنو ۱۴ نړیوال جامونه ترسره شوي او د ۲۰۲۴ کال نړیوال جام په راتلونکو دوو ورځو کې د جنورۍ په ۱۹مه پیلیږي، چې د فبرورۍ په یوولسمه به پای ته ورسیږي.
د ۱۹ کلنو نړیوال جام له پیل راهیسې هند پنځه، اسټرالیا درې، پاکستان دوه، انګلېنډ، بنګله دېش، سویلي افریقا او ویسټ انډیز یو-یو ځل د دغه نړیوال جام اتلولي ګټلې ده.
![](https://acauk.net/wp-content/uploads/2024/01/6E4E4AB5-9F52-4C07-80C4-866EFAC43917.jpeg)
د سږکال نړیوال جام ګډون کوونکو هېوادونو له وړاندې خپلې لوبډلې اعلان کړي او وار د مخه یې د اتلولۍ ګټلو لپاره تابیاوې کړي.
هغه لوبډلې چې د یاد جام نیمه پایلوبې ته یې د وتلو احتمال ډېر دی او هڅه کوي چې اتلولي وګټي، د اسټرالیا، هند، پاکستان او سویلي افریقا لوبډلې دي.
![](https://acauk.net/wp-content/uploads/2024/01/6A32C395-A9DE-4AC9-B856-590C76A526E5-888x1024.jpeg)
![](https://acauk.net/wp-content/uploads/2024/01/9760E63E-FDB0-4F4B-BEB1-7BAA2BAD910E.jpeg)
![](https://acauk.net/wp-content/uploads/2024/01/81B4184D-5BAE-4358-AECC-8392EBE16F3E.jpeg)
![](https://acauk.net/wp-content/uploads/2024/01/C1915E6F-A13F-4DD0-B2CA-A01FE5859474-891x1024.jpeg)