له افغانستان بچ شوې اسټرالیا له سویلي افریقا هم ځان وژغورو
د ۲۰۲۳ کال کرېکټ نړیوال جام د نیمه پای لوبو په درشل کې اسټرالیا له سویلي افریقا هم بچ شوه.
اسټرالیا چې نیمه پای لوبې ته د وتلو لپاره په ډېره سخته د افغانستان له خوا له ماتې خوړلو بچ شوې وه، پرون د نړیوال جام نیمه پای لوبه کې له سویلي افریقا هم په سخته وژغورل شوه او بلاخره یې ځان پای لوبې ته ورساوه.
![](https://acauk.net/wp-content/uploads/2023/11/47BF529E-8D5F-480C-BC7B-7CF78FAB1BC5-1024x1024.jpeg)
اټکل کېده که افغان لوبډلې له اسټرالیا لوبه ګټلی وی له سویلي افریقا هم ورته ګټل اسانه کېدل او کېدی شي د دغه اټکل سره سم اوس افغان لوبډله په پای لوبه کې له هند سره وه.
اوس هند ماته کړې اسټرالیا د روان نړیوال جام پای لوبه کې یو ځل بیا له هند سره مخامخ کیږي.
اسټرالیا چې اته ځله د نړیوال جام پای لوبو ته وتلې او پنځه ځله یې اتلولي ګټلې په هند یې سترګه سره ده.
![](https://acauk.net/wp-content/uploads/2023/11/90286C08-4A8D-4C38-929A-42D2A6DF196D-1024x1024.jpeg)
خو له بلې خوا په روان نړیوال جام کې د اسټرالیا سفر ان د افغان لوبډلې په پرتله هم دومره خوندور نه وو او وروستۍ لوبې یې په بېکاره ډول وګټلې.
په ورته مهال بیا د اسټرالیا مقابل کې هندۍ لوبډله په خپل کور او لوبغالي کې لوبیږي او تر دا مهاله یې د نړیوال جام ټولې لوبې ګټلي نو پر دې بنسټ پر اسټرالیا یې زور بر ښکاري او اسانه به نه وي چې د نړیوال جام ټرافي له هند ووځي.
ټاکل شوې د هند او اسټرالیا ترمنځ د نړیوال جام پای لوبه د نومبر په ۱۹مه د یکشنبې په ورځ د هند په ترټولو لوی لوبغالي احمد اباد کې ترسره شي.
![](https://acauk.net/wp-content/uploads/2023/11/D016DE20-4B8B-49F3-B70A-76574A971C55-1024x1024.jpeg)
ښایي د هند د لوبې نندارې لپاره لومړی وزیر نرېندرا مودي، نور سیاستوال، د هند مشهور فلمي لوبغاړي، ادا کاران او د کرېکټ پخواني لوبغاړي هم لوبغالي ته راشي.