افغان لوبډله پرون د هند په موهالي لوبغالي کې له هندۍ لوبډلې سره د لوبلړۍ په لومړۍ لوبه کې مخامخ شوه.
د لوبې پچه هندۍ لوبډلې وګټله او افغان لوبډلې ته یې د توپ وهنې بلنه ورکړه.
افغان لوبغاړو په ټاکلو شلو اورونو کې د پنځو وېکټو په زیان مقابلې لوبډلې ته ۱۵۹ منډې هدف ورکړ.
![](https://acauk.net/wp-content/uploads/2024/01/C9B76776-F63B-421A-84C6-8A08A1E03543-1024x671.jpeg)
د لوبې په دویمه پاڼۍ کې افغان توپ اچوونکو ښه پیل واخیست او د هند دوه مهم لوبغاړي یې په لومړنیو اورونو کې وسوځول.
خو د لوبې وروستي اورونه د هندۍ لوبډلې په ګټې واوښتل او ټاکلی هدف یې د څلور لوبغاړو په زیان سره په ۱۷.۳ اورونو کې پوره کړ.
![](https://acauk.net/wp-content/uploads/2024/01/0395E679-1501-4EBE-AEC9-1CFEEE84058C-1024x677.jpeg)
په افغان توپ اچوونکو کې مجیب ځدراڼ دوه او عظمت الله عمرزي یو لوبغاړی وسوځاوه.
له لوبې وروسته د افغان ملي لوبډلې موقت لوبډلمشر ابراهیم ځدراڼ وویل چې د توپ وهنې پیل مو ښه نه وو او د پلان مطابق د مناسب هدف په ټاکلو ونه توانیدو.
![](https://acauk.net/wp-content/uploads/2024/01/FCF71A91-66EC-49ED-B722-BC76911BE1A7-1024x579.jpeg)
ځدراڼ زیاته کړه: که هدف مو څه ناڅه زیات وی بیا مو مقابله لوبډله تر وروستي اوور رسوله خو نوموړي په توپ وهنه او ډګر ساتنه کې نیمګړتیاوې ومنلې او د راتلونکو لوبو لپاره یې د ښه کولو ډاډ ورکړ.
افغانستان او هند به د لوبلړۍ د دویمې لوبې لپاره د راتلونکې یکشنبې په ورځ یو ځل بیا د ماښام په شپږو بجو سره مخامخ شي.