Author: Aziz Khan

شل اووریز سکواډ ته د راشد او مجیب راستنیدل، او پر ځوانانو باور

د ایرلېنډ پر وړاندې د افغان لوبغاړو شل اوریز نوملړ او د ګڼو نویو ځوانو لوبغاړو هرکلی

افغان کرېکټ بورډ د ایرلېنډ پر وړاندې د شل اوریزې لوبلړۍ لپاره د ګڼو ځوانو لوبغاړو په ګډون د افغان لوبډلې نوملړ په ډاګه کړ.

د تېر خلاف دا ځل داسې نویو ځوانو لوبغاړو ته موقع ورکړل شوې چې دا یې لومړنۍ نړیوالې په ځانګړې توګه شل اوریزې لوبې دي.

په نوملړ کې د دولس لوبغاړو عمرونه له ۲۴ او د ۵ لوبغاړو له ۲۲ کلونو کم دي.

دا ښایي لومړی ځل وي چې په یو وار په لوبډله کې دومره ځوانو لوبغاړو ته ځای ورکول کیږي.

په ځوانو لوبغاړو کې صدیق اتل، محمد اسحاق، اعجاز احمدزی او ننګیال خروټی شامل دي.

ننګیال او اعجاز په لومړي وار په شل اوریز نوملړ کې اخیستل شوي. دا به د دواړو لوبغاړو لومړنۍ شل اوریزې نړیوالې لوبې وي.

دا په داسې حال کې ده چې ننګیال خروټي په وروستۍ یو ورځنۍ لوبه کې د خپلې وړتیا په ښکاره کولو ثابته کړه چې اوس مهال تر بل هر وخت پر ځوانو لوبغاړو باور او تکیه کېدی شي.

د افغان کرېکټ بورډ دا اقدام د مینه والو له خوا په لومړي ځل له دومره پراخ هرکلي او ستاینې سره مخ شوی.

په ورته مهال له څه نا څه اوږد ځنډ وروسته راشد خان او مجیب هم له رغېدو سره سم افغان لوبډلې ته را ګرځېدلي دي.

افغانستان او ایرلېنډ به د مارچ په ۱۵مه شل اوریزه لوبلړۍ پیل کړي.

د نوین اړوند د پېښور زلمو لوبډلې یو وار بیا نیمه پای لوبې ته ووتله

د پاکستان سوپر لیګ یا پي اېس اېل د دوام په درشل کې د نوین الحق اړوند لوبډلې د نهم ځل لپاره نیمه پای لوبې ته لار وویسته او د دویم ځل لپاره یې د اتلولۍ ګټلو لپاره د مینه والو هیلې را ژوندۍ کړې.

د پېښور زلمو لوبډلې په روان پي اېس اېل کې ټولې نهه لوبې کړي چې له دې ډلې یې پنځه ګټلي، درې بایللي او یوه یې بې پایلې پای ته رسېدلې.

دا د یادې لوبډلې نهم وار دی چې نیمه پای لوبې ته لار پیدا کوي او څلور ځله پای لوبې ته وتلې؛ خو پرته له یو ځل اتلولۍ ګټلو بېرته هر وار تش لاس را ستنه شوې ده.

په همدې حال کې په سږني سوپر لیګ کې له پېښور زلمو سره یوازنی افغان لوبغاړی نوین الحق دی.

نوین د وېکټ پر اخیستو خوشحالي کوي

نوین ته د پېښور زلمو په پنځو لوبو کې د لوبېدو چانس ورکړل شوی او په هره هغه لوبه کې چې نوین الحق ورسره نه وو، بایللې یې دي.

که څه هم د توپ اچوونې پر مهال د نوین د منډو د ورکړې کچه زیاته وي خو بیا هم په مهمو شېبو کې اغېزناکه توپ اچوونه کوي او د لوبغاړو په سوځولو د پېښور زلمو د بریا لپاره لاره هواروي.

په ورته مهال د سوپر لیګ په سږني پړاو کې تر ټولو ډېرې مخکښې منډې جوړونکی لوبغاړی د پېښور زلمو لوبډلمشر بابر اعظم دی چې ۴۴۷ منډې یې کړي او په توپ اچوونه کې انګلېنډی لوبغاړی لوکو ووډ دی چې په اتو لوبو کې یې لس وېکټې اخیستي دي.

نور علي ځدراڼ د ۱۵ کلن مزل وروسته له نړیوال کرېکټ لاس واخیست

د افغانستان ملي لوبډلې پیلیز توپ وهوونکي نور علي ځدراڼ پرون د ایرلېنډ پر وړاندې د لوبې له پیل مخکې له هر ډول نړیوال کرېکټ تقاعد اعلان کړ. له لوبې وړاندې افغان لوبډلې نوموړي ته په احترام ودرېدل او د کرېکټ د رواج سره سم، د بیټونو د کارډ اف آنر په جوړولو رخصت او له نوموړي مننه وکړه.

ځدراڼ په ۲۰۰۹ کال کې په کرېکټ پیل کړی وو چې په دې ۱۵ کلن مزل کې یې ټولې دوه ټېسټ، ۵۱ یو ورځنۍ او ۲۳ شل اوریزې نړیوالې لوبې وکړې.

د ځدراڼ د لمړیو کلونو د سیالیو انځور

نوموړي د ۵۱ یو ورځنیو نړیوالو لوبو په ۵۰ اننګزونو کې ۱۲۱۶ منډې او د ۲۳ شل اوریزو نړیوالو لوبو په ۲۳ اننګزونو کې ۵۹۷ منډې جوړې کړې.

په یو ورځنیو لوبو کې د ځدراڼ تر ټولو ډېرې منډې ۱۱۷ دي او په شل اوریزو کې ۶۳ دي چې په ټوله کې یې د یوې سلیزې او یوولس نیمه سلیزو پر مټ نږدې ۲ زره منډې جوړې کړي دي.

ځدراڼ که څه هم پخپله د کرېکټ سره مخه ښه وکړه خو افغان کرېکټ ته یې د خپلې روزنې لاندې د کورني دوه نور ځوانان ابراهیم ځدراڼ او محیب ځدراڼ روزلي چې اوسمحال د افغان ملي لوبډلې برحاله غړي دي.

دا په داسې حال کې ده چې په دې وروستیو کې په لوبډله کې د پوخ عمره لوبغاړو پر شتون نیوکې زیاتې شوي او غوښتنه دا ده چې ځوانو او وړ لوبغاړو ته دې ځای ورکړل شي.

هندي بورډ ۳۰ لوبغاړو ته کلني قراردادونه ورکړل

هندي بورډ له یو لړ نویو بدلونونو سره د خپلو لوبغاړو قراردادونه خپاره کړل

د هند کرېکټ بورډ په بېلابېلو کټګوریو کې له نویو بدلونونو سره د خپلو لوبغاړو د مرکزي قراردودونو نومونه اعلان کړل.

یادې ادارې خپلو دېرشو لوبغاړو ته په څلورو کټګوریو کې قراردادونه ورکړي چې ای پلس، ای، بي او سي کټګورۍ یې د یادولو دي.

په ای پلس کټګورۍ کې یوازې څلورو لوبغاړو ته مرکزي قرار داد ورکړل شوی، په ای کې له دریو نویو لوبغاړو سره شپږ لوبغاړو ته، په بي کې د دوو لوبغاړو په شا ته تګ او یو لوبغاړي په مخ ته تګ سره پنځو لوبغاړو ته او په سي کټګورۍ کې د لسو نویو لوبغاړو په ګډون ۱۵ لوبغاړو ته مرکزي قرار داد ورکړل شوی.

همداراز د ایشان کیشن، شریس ایر او اومېش یادو په ګډون شپږو لوبغاړو ته سږکال مرکزي قراردادونه نه دي ورکړل شوي.

سږکال د هندي بورډ له خوا د دغو قراردادونو د معاش په اړه څه نه دي ویل شوي خو تېر کال یې د همدې کټګوریو له مخې د ای پلس کټګورۍ لوبغاړو اووه کروړه هندۍ روپۍ، د ای قرارداد پنځه کروړه هندۍ روپۍ، د بي درې کروړه او د سي کټګورۍ یو کروړ هندۍ روپۍ معاش ښودل شوی وو.

په ورته مهال له مرکزي قراردادونو ور ها خوا د هند د غوراوي کمېټې له بورډ غوښتي چې پنځو نورو تېزو توپ اچوونکو ته هم احتیاطي قراردادونه ورکړي چې د لوبغاړو د روغتیایي ستونزو پر مهال وکولی شي لوبه وکړي او له وړاندې چمتو اوسي.

په یادو پنځو لوبغاړو کې اکاش، ډیپ، اومران ملک، ویجی کومار، یاش دیال او کدیراپا شامل دي.

انډریو بېلبرني: د لوبغالي بدلیدل به مو په لوبډلې کوم تاثیر ونه لري

تازه د افغانستان او ایرلېڼد د ټېسټ مېچ لپاره ټاکل شوی میدان بدل شو

افغانستان او ایرېلنډ د راتلونکې چهارشنبې په ورځ خپله یوازنۍ ټېسټ لوبه پیلوي.

ټاکل شوې وه چې یاده لوبه د متحده عربي اماراتو په شېخ زائد لوبغالي کې ترسره شي خو د ایرلېنډ کرېکټ بورډ خبر ورکړی چې دوی او افغان کرېکټ بورډ ته د میدان د مسوولینو له خوا خبر ورکړل شوی چې د شېخ زائد میدان د پنځه ورځو لوبې لپاره وزګار نه دی.

په دې سره د افغانستان او ایرلېنډ لوبه له شېخ زائد لوبغالي ټولرنس اوول (Tolerance Oval) ته بدله شوه.

د یادونې ده چې په ټولرنس اوول لوبغالي کې تراوسه هېڅ کومه ټېسټ لوبه نه ده ترسره شوې، دا به په کې لومړنۍ ټېسټ لوبه وي او په ټولیزه توګه به په ټوله نړۍ کې ۱۲۲ لوبغالی وي چې ټېسټ لوبه په کې ترسره کیږي.

د اېرلېنډ لوبډلمشر انډریو بېلبرني هم ویلي چې د لوبغالي بدلېدل به د دوی په لوبډلې او لوبغاړو کوم تاثیر ونه لري او د لوبې لپاره یې پوره چمتووالی ښودلی.

د ښځینه شل اووریز نړیوال جام روانه میاشت په سوېلي افریقا کې ترسره کیږي.

د ښځینه شل اووریز کرکټ نړیوال جام روانه میاشت په سوېلي افریقا کې ترسره کیږي. د دغه جام د ګټلو لپاره به د لس هیوادونو تر منځ د فیبروۍ له لسمې نیټې څخه تر شپږویشتمې نیټې پورې سیالۍ ترسره شي.
 
په یاد جام کې لس ګډونوالې لوبډلې په دوه ګریوپونو تقسیم شوې دي. په لمړي ګروپ کې:
اسټرالیا، بنګلدېش، نیوزلینډ، سوېلي افریقا او سرېلانکا دي.
په دوهم ګروپ کې:
انګلینډ، هندوستان،ایرلینډ، پاکستان او ویسټ انډیز ځای پر ځای شوي دی.
 
د ښځینه شل اووریز نړیوال جام اتله لوبډله اسټرالیا هیواد دی چې اوس له خپلې اتلولۍ دفاع کوي، اسټرالیا د کرکټ نړېوالې شورا په درجه بندۍ کې هم پر لمړي مقام قرار لري.
 
 
د اسټرالیا ښځینه کرکټ لوبډله
د اسټرالیا په شمول اووه لوبډلو په مستقیم ډول د اې سي سي له درجه بندۍ لاره پیدا کړې، سوېلي افریقا ته د کوربتوب له وجې د ګډون حق ورکړل شوی او دوه هیوادونو (بنګلدېش او اېرلینډ) د کولیفاینګ راونډ (یاد جام ته د لار موندنې پړاو) څخه لاره پیدا کړې.
 
په ګروپي پړاو کې هره لوبډله د ګروپ د نورو لوبډلو سره یوه یوه سیالې کوی (راونډ روبېن)، له ګروپي پړاو به دوه مخکښې لوبډلې نیمه پای لوبې ته وځي، په نیمه پاې لوبو کې ګټونکې لوبډلې پاې لوبې ته او په اخیر کې ګټونکې لوبډله به اتلولي ګټي.
 
د سوېلي افریقاښځینه کرکټ لوبډله

د کرکټ اسیایي شورا ناسته او افغانستان لپاره ښه زیري:

د کرکټ اسیایي شورا ناسته او افغانستان لپاره ښه زیري:
– له دې شورا څخه د افغانستان لپاره کلنۍ ځانګړې شوه بودیجه کې زیاتوالی راغلی، دغه بودیجه مخکې شږ فیصده او اوس پنځلس فیصدو ته لوړه شوه.
 
– په غونډه کې د ځينو ګډونوالو هېوادونو سره په دوه اړخیزو لوبو خبرې شوي چې تر اوسه یې جزئیات معلوم نه دي.
 
– ګډونوالو هېوداونو افغان کرکټ ته ډاډ ورکړی چې د نجونو د کرکټ په وده کې به ورسره مرسته او دې اړه به یې ملاتړ کوي.

د کرکټ د نړېوالې شورا د کلنیو جاېزو ګټوونکي لوبغاړي

د کرکټ د نړېوالې شورا د کلنیو جاېزو ګټوونکي لوبغاړي:
 
– د کال غوره ځوان لوبغاړی: د سوېلي افریقا مارکو یانسن.
 
د ټیسټ لوبو د کال غوره لوبغاړی: د انګلینډ بین سټوکس.
 
د شل اووریزو لوبو د کال غوره لوبغاړی: د هند سوریا کومار یادو.
 
د یوه ورځنیو لوبو د کال غوره لوبغاړی: د پاکستان بابر اعظم.
 
د اسوسیټ لوبډلو د کال غوره لوبغاړی: د نامیبیا جیرارډ ایراسمس.

Afghan Cricket Association 2021-2022 Fundraiser

Afghan Cricket Association was one of the first organisation to organise a fundraise and simultaneously deliver aid projects on the ground. has been at the front line to reach out to the poor during the COVID19 pandemic and during the collapse of Kabul. People were forced to flee their homes for safety as a result of the rapid rise in violence before the fall of Kabul in August 2021. ACA in collaboration with Rashid Khan Foundation and launched a fundraiser to reach out to those displaced internally by providing food parcels and other basic necessities. We were able to raise a whooping amount of approximately £18,000.

ACA with the help of Afghan Cricket Foundation (ACF) as a partner in Afghanistan helped hundreds of Internally Displaced Persons (IDPs) move back to their home provinces from the Capital Kabul. We were able to send IDPs to the northern provinces including Baghlan, Kunduz, Mazar, Takhar, Ghor and Badghis. 

ACA’s volunteers travelled across the country from August 2021 – Feb 2022 to find the neediest people and help them as per their needs. ACA distributed a month worth of supplies to hundreds of families in different parts of the country, we had distribution centres in the following provinces:

  • Kabul
  • Helmand
  • Kunar
  • Kunduz
  • Pakita
  • Kandahar
  • Khost
  • Nangarhar

ACA’s Month worth of food parcels included:

  • Flour 50kg
  • Rice 21 kg
  • Cooking oil 5-10L
  • Green/Black tea 1kg
  • Beans 4 kg
  • Sugar 4kg
  • Salt 10 packets
  • 500-1000 Afghani in cash to use for their need as the see appropriate (due to the frequent change of prices in the market)

We were also able to support some families financially with proven need and financial difficulties to help meet their medical needs.